Donostiako Plasentzia baserria (eu)

Plasentzia (Plasentzi)
[[Fitxategi: \| 400px \| frameless \| center]]
Izen formala	Placencia
Bailara	Uba bidea, 41 Loiola (Altza/ Donostia)
Altuera	215 m
Hedadura	20 m
Kaletik	0 km

Bertako familia

Garai batean, Ibarburu familia bizi zen bertan.

Deskribapen arkitektonikoa

Familia bakarreko baserri ertaina, oinplano errektangularra eta bi isurialdeko teilatua dituena, eta bi solairuk eta ganbarak osatzen dutena.

Itxitura hormak harlangaitzezkoak dira, entokatuak eta zurituak, kantoietan eta zenbait baoren ertzetan harlanduak dituztela. Fatxada nagusiaren goiko zatia agerian dagoen zurezko bilbaduraz ixten da. Fatxadaren eskuinaldean arkupe txiki bat dauka, hareharrizko harlanduekin eginiko oin karratuko bi zutabe motzekin. Orain itxita dago arkupe hori. Haize-babesak, kontrako izkinan dagoenak, harlanduak ditu. Barnealdean, jatorrizko zurezko egitura dauka oraindik.

2000 urtean estalkia birgaitu zioten, Foru Aldundiak lagunduta.

2009 urteko Eraikitako Ondasun Urbanistikoa Babesteko Plan Bereziak (Plan Especial de Protección del Patrimonio Urbanístico Construido) Plasentzia baserria babesten zuen, nolabait. Dena dela, 2013 urteko Planean desagertu da, Altzako beste hainbat eraikinekin.

Baserriaren inguruko kontuak

Hiru agiri zaharrek Plasentzia baserria aipatzen dute:

1737/12/24. Errenteriako aguazila den Ignacio de Lopeola-ren kontu-idazpena, non Altzako Akular eta Plasentzia baserrietara joateko behar izan dituen bi egunak zehazten duen. Plasentzia baserrira on Juan de Larreta-rentzako gutun batekin joan zen.
1746/08/31. Errenteriako udalak Donostiako auzokidea eta Altzako Ubegi eta Plasentzia baserrietako jabea den Joaquin Sanchez-i Perratxaleku izeneko barrutian garoa mozteko baimena ematen dio. Urteko kapoi edo oilo bat ordainduko du. Garoa Bordazar eta Artxipi-ren arteko lurretan moztuko du, Altzako Juan de Ierobi zenak egiten zuen lekuan.
1746/08/31. Donostiako auzokidea eta Altzako Ubegi eta Plasentzia baserrietako jabea den Joaquin Sanchez-ek Errenteriako udalari Perratxaleku izeneko barrutian garoa mozteko baimena eskatzen dio. Garoa Bordazar eta Artxipi-ren artean moztuko du.