Igarate etxea (eu)

    Sorapediatik
    Igarate
    Sagar-erreka Eibar. Zuzendariaren etxea Igaraten.jpg
    Izen formala Igarate
    Bailara Irure
    Altuera 100 m
    Hedadura Ha
    Kaletik 0,9 km


    Bertako familia

    Baserria aspaldi desagertu zen.


    Irudiak

    (handitzeko, sakatu gainean)


    Kokapena

    (Pantaila osoan ikusteko sakatu hemen)

    Mapa kargatzen...


    Baserriaren inguruko kontuak [1]

    Inguru honetan, Igarate etxeaz gain, barrena, errota eta Sagar erreka zeharkatzeko bi pontoi ziren, Deba errekarekin biltzen den tokian.

    Barrena hau Eitzako lurretan, beheko aldean, arkabuz eta moskete kainoien barrena zaarra deiturikoa izango zen, XVII mendeko agirietan agertzen dena. Honetaz gain baziren inguruan beste barrenak: barrena nagusia Olabarrenan eta beste bat Barrena baserrian.

    1860 urtean fusilak egiteko lantegia zegoen bertan, eta jabea Villalegre eta San Millán-go markesa zen (Luciano Porcel y Valdivia jauna). 1860ko urriak 16an honek Jose de Ibarra e Iribecamposi saldu zion Igarate, Sagarragako barrenoa eta txarako lurrak La Euscalduna enpresa sortzeko. Eta ordutik hona Igarate lotuta egon da La Euscalduna lantegiarekin.

    XX mende hasieran Compañía Anónima Placencia de las Armas enpresak Igarate lantegi zaharra bota zuen, biltegiak eta zuzendarientzat etxea egiteko (hortik izena, zuzendariaren etxea edo casa del director. Eli Lakuestaren argazkian, zuzendarien etxea agertzen da.

    Etxearen atzekaldean, bidetik errekara jaisteko eskilaretan, metal-ura zuen iturgorria egon zen. Bertako urak sendagarriak omen ziren.

    Soraluzeko sahiesbidea egin zutenean etxe hau ere bota zuten. Gaur egun sahiesbidearen hasiera eta autobusen geltokia daude bertan.


    Erreferentziak