Carta arqueológica de Guipúzcoa (eu)

    Sorapediatik
    Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.
    Carta arqueológica de Guipúzcoa
    Carta arqueológica de Guipúzcoa. Azala.jpg
    Egilea Aranzadi Zientzia Elkartea
    Hizkuntza Gaztelaniaz
    Urtea 1982
    Argitaletxea Aranzadi Zientzia Elkartea
    Hiria Donostia


    Izenburu osoa

    Carta arqueológica de Guipúzcoa

    Gipuzkoako arkeologi karta


    Liburua zertan den

    1979-1982 tartean Aranzadi Zientzai Elkarteko kideek, Gipuzkoan ezagutzen ziren megalito guztiak txukundu eta gero, bakoitzari bere identifikazio xafla ezarri zioten. Helburua bikoitza zen: monumentuak gordetzen lagundu eta bisitariei informazioa ematea. Lan honetan Gipuzkoako Aldundia, Eusko Ikaskuntza eta Eusko Jaurlaritzaren laguntza izan zuten, eta hainbat mendi elkarteena.

    Ostean, Aranzadiko sei lagunek (J. Altuna, K. Mariezkurrena, A. Armendariz, L. del Barrio, Tx. Ugalde eta X. Peñalver) egindako lana aprobetxatu zuten megalitoen katalogo eguneratua osatzeko, hainbat datu osagarriekin. Monumentuak bi sailetan bildu zituzten: kobazuloko aztarnategiak eta estazio megalitikoak. Hirugarren saila gehitu zuten, erromatar aztarnategiak, garaian oso txikia.

    Aztarnategi bakoitzeko datu hauek bildu zituzten: izena, kokapena (koordenadak), iristeko bidea, azalpena, egoera, historia, aurkikuntzak eta hauen kokapena, aztarnategiaren denbora eta kultura sekuentziak eta bibliografia. Azkenik, aztarnategi guztiak mapa batean bildu zituzten.

    Lana Munibe aldizkarian argitaratu zuten, 1982. urteko monografiko batean (34. zenbakia).


    Soraluzeri buruzkoak

    Soraluzerekin zerikusia duten aztarnategiak Elosua-Plazentzia estazio megalitikoarenak dira: Trekutz, Egizabalgo Muñoa, Aguerreburu, Maurketa, Keixetako Egiya sur, Keixetako Egiya norte, Keixeta, Irukurutzeta, Kutzebakaar, Aitzpuruko Zabala, Naasiko Goena, Pagobedeinkatu, Azkoin, Atxolin Txiki, Atxolin, Iruiya, Sabua eta Gizaburua.


    Erreferentziak

    Soraluzeri dagokion zatia irakurtzeko sakatu hemen