Carte du Guipuzcoa (eu)

From Sorapedia
Revision as of 17:53, 13 October 2021 by Jcao (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search
Carte du Guipuzcoa
Egilea François de la Blottière
Urtea 1720 ggb
Hiria (ez dator)
Tamaina 200 x 132 zm
Carte du Guipuzcoa A (François de La Blottière 1720).jpg


Mapa zertan den

François de la Blottière (1673-1739) ingenieri militarra egin zuten 1690. urtean. Hurrengo urteak Italiako kanpainetan eman zituen, 1706. arte, besteak beste bertako hirien mapak marrazten. Delfinaren[1] gudarostera pasa egon zen gero (1707-1714), eta 1730. urtean Languedoc-eko Gotorleku eta Herrilanen Zuzendari Orokorra izendatu zuten. 1733 berriro bidali zuten Italiara, bertan injeniarien burua (commandant en chef) eta Brigadierra izendatu zutela. Bakea sinatu ostean, Languedoc-era bueltatu zen. Marechal de Camp titulua eskuratu eta gero, 1739. urtean Monpellierren hil zen.

1717 urtean Felipe Vak, Espainiako erregeak, Sardinia konkistatu zuen, eta Sizilian sartu zen hurrengo urtean. Orduan Britainia Handiak, Frantziak, Holandak eta Austriak Lauko Aliantza sortu zuten Espainiaren aurka, Lauko Aliantzaren Gerra hasiz. 1719. urteko udan Berwick-eko dukeak, Frantziako gudaroste baten buruan, Gipuzkoan sartu eta hiru probintziez jabetu zen. Hurrengo urtean bakea sinatu zenean (1720) alde egin zuen.

1720.ko mapa hau, segururena, Berwick-en kanpaina ostean marraztuko zuten. Bertsio bat baino gehiago gordetzen da.

Mapa berak esaten duenez, Gipuzkoa zein inguruko lurrak erakusten du: Gipuzkoako mapa, aldi berean Nafarroako zati bat, Frantziako, Araba eta Bizkaiko mugak erakusten dituela, baita Baztan eta Araitz haranak zein Bidasoa, Oiartzun, Urumea, Oria, Urola, Deba eta Artibai ibaien arroak[2].

Mapak ezohizko orientazioa erakusten du, itsasoa (iparra) azpian eta lehorra (hegoa) goiko aldean. Herriez gain, bideak marrazten ditu, baita mendi eta lepo batzuren izenak.

Maparen beste argitalpena, izenburuan Lerin eta Oyarzun haranak aipatzen dituena


Soraluzeri buruzkoak

Soraluze (Plazenzia) inguruko herriak baino letra handiagoaz agertzen da.

Eskumako beheko ertzean agertzen da. Bertatik bost bide irtetzen dira: Bergarakoa (Deba ibaiaren eskumatik), Ermuakoa (Sagar-errekaren barrena), Eibarkoa (Irure gainetik), Azkoitiakoa (Mendigainetik) eta Elgoibarkoa (Deba ibaiaren eskumatik hau ere).

Soraluze ingurua


Bitxikeriak

Mapak ezohizko orientazioa erakusten du, itsasoa (iparra) azpian eta lehorra (hegoa) goiko aldean.

Bidasoa haranari Lerin esaten dio, eta Artibai ibaia izendatzeko Oizaranzibia izena erabiltzen du.

Eskala dator, lau hazbeteko 3.000 toesako legoa bat (1: 54.450 gutxi gorabehera).


Erreferentziak

  1. Delfin. Frantziako erregeen oinordekoaren titulua.
  2. Carte du Guipuzcoa sur laquelle se trouve partie de la Haute-Navarre, les frontières de France, celles de la province d'Alaba et de Biscaye, comme aussi les vallées de Bastan, et d'Areins, les cours des rivières de la Bidassoa, d'Oyarzun, d'Urumea, d'Orro, d'Urola, de Deva et de partie de celle d'Oyzaranzibia.