«Elementos de interés arqueológico (eu)»: berrikuspenen arteko aldeak

    Sorapediatik
    No edit summary
    No edit summary
     
    (Ez dago alderik)

    Hauxe da oraingo bertsioa, 23:12, 19 apirila 2021 data duena

    Elementos de interés arqueológico
    Egilea Arkeolan Fundazioa
    Urtea 1988
    Hiria Irun
    Tamaina
    Elementos de interés arqueológico (Arkeolan 1988).jpg


    Mapa zertan den

    1989 inguruan Irunen sortu zen Arkeolan Historia eta Arkeologiako Azterketa eta Ikerketa zentroa, 2011.an Arkeolan Fundazioa[1] bihurtu zena. Arkeologia zerbitzu profesionalak eskaintzeaz gain, ikerketa egiten du hainbat arlotan, horietako bat Gipuzkoako hiribilduak direla.

    1987-1989 urteetan Donostian eman zen Hiri-arkeologian gazteentzako heziketa-ikastaroa[2], M. Urteagaren zuzendaritzapean. Horik sortu zen Arkeolan zentroa.

    Eta ikastaro horretan, hain zuzen, Gipuzkoako 23 hiribildutako mapa arkeologikoak egin ziren, tartean Soraluzekoa.


    Soraluzeri buruzkoak

    Mapan 41 toki nabarmentzen dira, horietako 25 interesa dutenak.

    Ondare interesa duten sei toki daude:

    • (5) Ormaetxea
    • (7) Santa Ana kaleko 13. etxea, bere pasabidearekin
    • (9) Santa Maria la Real parrokia eliza
    • (27) Udaletxea
    • (34) Arregia-Irure dorretxea
    • (29) Abadetxea

    Arkeologi interesa duten tokiak (kokapen zehatza dutenak) 9 dira:

    • (6) Kantoi estalia
    • (16) Errekalde kaleko 2. zenbakia
    • (12) Mendiguti dorrea
    • (13) Erregetxea
    • (15) Zubi Nagusia
    • (18) Errekaldeko zubia
    • (31) Ibaizabaleko Barrenen etxea
    • (33) Gabolats kaleko 4. zenbakia
    • (41) Presa

    Arkeologi interesa duten tokiak (gutxi gorabeherako kokapena) beste 10:

    • (4) Santa Ana komentua eta kanposantua
    • (10) Kainoi fabrika
    • (20) Ospitale berria
    • (22) Erret Eraikina
    • (35) San Salvador ermita
    • (36) Gabolatseko zubia
    • (37) Santa Barbara ermita
    • (38) Usatorre etxea
    • (39) Probalekua
    • (40) Barrenen etxea


    Bitxikeriak

    Soraluzeren ikuspuntutik, mapa hau arkeologiaren abiapuntutzat har daiteke. Baina gaur eguneko ikuspegitik hainbat hutsune ditu: Gabolatseko harpasoen tokian Gabolatseko zubia agertzen da (Gabolatseko zubi zaharra Altun erreka zeharkatzen zuen, eta ez Deba ibaia), Santa Barbara ermita agertzen da (ez da honen berririk, baina Maala ermita izan daiteke), Arregia-Irure dorretxea aipatzen da (berez, Arregia da, besterk gabe).

    Honetaz gain, kokapenekin ere arazoak daude: galdutako leku batzuk kokapen zehatzekoak direla esaten da, edota alderantziz; eta beste batzuk gaizki kokatuta daude (San Salvador ermita, Probalekua, Barrenen etxea...). Segururena, maparen egilea ez zen soraluzetarra izango.

    Hamar urte geroago, 1997ko irailaren 11an, Kultura, Gazteria eta Kirol sailburuordeak Soraluzeko beste 25 arkeologia gune izendatu zituen. Batzuk bi zerrendetan agertzen dira, baina azken zerrenda honetako gehienak ez daude herri kaskoan, mendialdean baizik.


    Erreferentziak

    1. Arkeolan. Web orri ofiziala.
    2. CFJAU. Curso de Formación de Jóvenes en Arqueología Urbana.