Gaceta de Madrid. Militarrak (eu)

Sarrera honetan Gaceta de Madrid aldizkarian agertutako berriak (1900 arte) agertzen dira, militarrekin zer ikusia dutenak.

Soraluzekin lotura duten berri guztiak ikusteko, sakatu hemen.

Lantokiak eta izendapenak

1859/09/14

Gaceta de Madrid, 283 zbk. 106. orrialdea. Jatorrizkoa ikusteko, sakatu hemen.

MARINA MINISTERITZAK HARTUTAKO ERABAKIAK

...

Armadako artilleriaren Estatu Nagusiaren kapitaina den Agustìn Gómez de Vildósola eta lehen Kondestable supernumerario Francisco Bárcena izendatuz Soraluzen egin behar diren armen ekoizpena aztertzeko.

1860/07/09

Jaun agurgarria: Gerra Ministro jaunak Artilleria zuzendari orokorrari zera adierazi dio gaur:

Erregina andereak baimena eman dizu Euskal Herriko probintziak zeharkatzeko Zestoako bainuak hartzeko eta Donostiako plaza zein Soraluzeko arma lantegia berriro bisitatzeko. Aldi berean, Artilleriako Zuzendaritza Nagusi horren ohiko bulegoaz armaren bostgarren departamentuko teniente jeneral azpikontu-hartzailea den Juan Mantilla de los Rios y Teran jauna arduratuko dela erabaki du.

Erret ordena, aipatutako Ministro jaunak adierazia, Zeuri jakinarazten dizut jakin dezazun eta beharrezko ondorioetarako. Jaungoikoak urte askotan gorde zaitzala, Madril 1860ko uztailak 3an.

Idazkariordea, Francisco de Ustàriz.

1861/03/18

GERRA MINISTERITZAK HARTUTAKO ERABAKIAK

1864ko martxoak 7an

...

Artilleria Zuzendari Nagusiari

...

Alberto Milagro kapitaina Soraluzeko lantegian jarraitzeko erabakiz.

1864/08/07

ERRET DEKRETOA

Marina Ministroak proposatutakoarekin bat eginez, honako hau dekretatzen dut:

1. artikulua. Armadaren Gorputz Nagusiaren Buruzagi eta Ofizialek betetzen dituzten lurreko destinoak...

...

Armadako artilleriaren estatu nagusiaren gorputzaren buruzagi eta ofizialek betetzen duten lurreko destinoen sailkapena

...

Hirugarren maila

Teniente koronelak

Trubiako Batzordearen Burua..... eperik ez.

Akademiaren azpizuzendaria...... eperik ez.

Soraluzeko Batzordearen Burua... eperik ez.

...

Sailkapen gabeko destinoak

Armaren zuzendaritza.

Akademiaren zuzendaritza.

Trubiako batzordea.

Soraluzeko batzordea.

1863/11/04

GERRA MINISTERITZAK HARTUTAKO ERABAKIAK

...

Artilleria

Zuzendari orokorrari.- Gabino Barrientos jauna Toledoko lantegiaren maisu aztertzaile izandatuz.

Zuzendari orokorrari.- Juan Martin Aranguren jauna Toledoko lantegiaren maisu aztertzaile izandatuz.

1866/03/02

MINISTERIO BERAK HARTUTAKO ERABAKIAK

Otsailak 22

...

Otsailak 24. Soraluzeko Batzordearen arma aztertzaile maisuak Càdiz eta Ferrol departamentuetako arma-lantegietako maisu nagusi izendatuz.

Otsailak 24. Marinak Soraluzen duen batzordearen kargu-uztea erabakiz.

1887/04/13

Erredentzio eta Engaiamendu Militarren Kontseilua. — Lanpostu zibiletarako hautagaiak sailkatzeko batzordea.

Data honetara arte iragarritako lanpostu hutsen zerrenda, 1865eko urriaren 10eko erregelamenduaren 27. artikuluaren arabera argitaratu beharrekoa, hilabete amaieran eskubidea dutenek bete ahal izateko.

...

BASKONGADETAKO KAPITANIA OROKORRA

...

Gasteizko Ogasun ordezkaritza (Saila edo zerbitzua) Soraluzeko estankoa, 4. zbk. (Destino mota) Saria (Soldata)

Denetik

1863/09/15. Aztertzaile izateko oposaketa

Fábrica de armas de fuego portátiles de Placencia. Junta facultativo-económica. Debiendo proveerse proposición, en virtud de órden del Excmo. Sr. Director general del cuerpo, una plaza de segundo Maestro examinador que existe vacante en esta Fábrica de armas, dotada con el haber de 600 reales vn. mensuales, se hace saber por medio de este anuncio, á fin de que los armeros de los regimientos del ejército que estén autorizados competentemente, y los armeros particulares que deseen optar á dicha plaza por considerarse aptos para desempeñarla con inteligencia y acierto, dirijan sus solicitudes al Sr. Coronel Director de la Fábrica de armas de Placencia, acompañándolas con los documentos que acrediten su edad, servicios prestados, su moralidad y buena conducta, ántes del dia 30 de Setiembre actual; debiendo advertirse á los aspirantes para su gobierno «que los ejercicios de oposición darán principio el dia 15 de Octubre próximo; que consistirán en hacerles construir, ajustar y montar todas las piezas de un fusil modelo de 1859 reformado, en un exámen teórico para demostrar el conocimiento de los principios y reglas que deben seguirse para una buena fabricación, y el de las propiedades y defectos del arma y de cada una de sus partes principales»; y por último, que á la oposición que ha de tener lugar en Placencia ante la Junta facultativa de la Fábrica pueden presentarse también los Maestros mayores de armeros de las maestranzas de artillería y los Maestros armeros de los parques, á quienes se dará la preferencia en igualdad de circunstancias al tiempo de proveerse la plaza de Examinador cuya vacante se anuncia. Placencia 3 de Setiem bre de 1863. = Por acuerdo de la Junta facultativo-económica, el Com andante Capitán Secretario , Félix Diaz Aguado."

1897/11/25. Posta dohain

Correos. Relación de las Autoridades, funcionarios y corporaciones que disfrutarán franquicia postal cara la expedición de correspondencia oficial. … Jefes de las Comisiones de Marina en Trubia, Placencía de las Armas y Santa Bárbara (Oviedo). …

1898/06/26. Soraluzetarra hilda Antilletan

Noticia de las defunciones de tropa ocurridas en el Ejército de operaciones de la isla de Cuba, en las fechas que se indican, según ha participado el Capitán general de dicha Antilla … Infantería (Armas), Asturias (Cuerpos), Armero (Clases), José Orozco Arana (Nombres), Placencia, Guipúzcoa (Naturaleza: Pueblo, Provincia), 1 (Bajas. De enfermedades comunes o accidentes), 16 Febrero 1897 (Fecha de fallecimiento: Día, Mes, Año), Sagua de Tánamo, Santiago de Cuba (Fallecimiento: Pueblo, Provincia)

Epaitegi militarrak

Tenientea Abarzuzan desagertuta (1873)

Gehiago jakiteko, sakatu hemen.

1873ko urtarrilaren 20an Isabel II.aren infanteria-erregimentua Abarzuza (Nafarroak) inguruan zela, bertako tenientea zen Eduardo Ojel Jaramillo desagertu zen. Agian karlistekin bat egingo zuen, edo karlisten partida batek hilgo zuen, edo... Lau urte geroago Gaceta de Madrid-en hiru deialdi agertu ziren, auzia argitzeko.

Eduardo Ojel desagertu eta urte t'erdi geroago Abarzuzako gudua izan zen (1874ko uztailaren 25 eta 27 artean), bertan Torcuato Mendirik zuzendutako karlistek Manuel Gutiérrez de la Conchak zuzendutako liberalak menderatu zituzten, azken honek guduan bizia ere galduz.

Desertzioak (1897-1898)

Gehiago jakiteko, sakatu hemen.

Hiru kasu agertzen dira, hirurak XIX mendeko azken urteetakoak. Bi Soraluzekoak, Cristobal Aldazabal Issa eta Jose Antonio Oliden, Donostiatik alde egindakoak. Eta hirugarrena Castellón-goa, Vicente Anglés Borrás, ihes egin zuela Soraluzen soldadu ari zela.

Gerrako armen kontrabandoa (1898)

Gehiago jakiteko, sakatu hemen.

Auzi honetan lau ziren inplikatuak. Alde batetik Soraluzeko bi anaia, Manuel Joaquin Maiztegui Mendicute (1847/09/27) eta Bruno Maiztegui Mendicute (1851/10/06); honetaz gain Benito Aramburu Maquibar (1869/03/22) ermuarra eta Juan José Gandiaga Arrasqueta (1855), Etxebarriakoa.

Enkanteak

1879/08/13. Ogi eta pentsu hornidura

Gaceta de Madrid, 225 zbk. 520. eta 521. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Zerrenda horretan, datorren urriaren 1ean hasiko den hurrengo nekazal-urtean indar finko eta pasokoentzako ogi eta pentsu-hornidura kontratatzeko bigarren enkanteak zein puntu, egun eta ordutan egin behar diren adierazten da.

Gipuzkoako probintzia.

Tolosan, martxoaren 2an, goizeko hamar eta laurdenetan.

Oñatin, martxoaren 21ean, goizeko hamar eta erdietan.

Soraluzen, martxoaren 21ean, goizeko hamar eta hiru laurdenetan.

Bergaran, martxoaren 21ean, goizeko hamaiketan.

1880/07/07. Ogi eta pentsu hornidura

Gaceta de Madrid, 189 zbk. 53.-55. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Euskal Probintzietako barrutiko intendente militarrak jakinarazten du, Administrazio militarreko zuzendari nagusiak xedatutakoaren arabera, hilabete horretako 7an urtebeteko eperako, datorren urriaren 1etik aurrera, ondoren adierazten diren herrietako Armada zein Goardia Zibilen tropa eta zaldientzako, finko eta pasokoak, ogi eta pentsu-hornidura salneurri finkoetan kontratatu beharko dela; enkante publiko eta aldi berean egingo da, aipatutako egunetan eta orduetan, dagokion probintziako hiriburuko Intendentzia militar honen eta Gerrako Komisariaren tauletan, bulego horietan agerian egongo den baldintza-pleguari lotuta, eta behar bezala argitaratuko diren muga-prezioak eta amaieran argitaratuko den proposamen-eredua kontuan hartuta. Hori iragartzen da zerbitzu honetan parte hartu nahi duten pertsonek beren proposamenak plegu itxietan aurkez ditzaten, 11. zigiluko paperean idatzita; izan ere, proposamenak lizitazio-egintzan bertan edo legez ordezkatuta egon behar dira, sor daitezkeen zalantzak argitzeko, eta, hala badagokio, erremate-akta onartu eta sinatzeko. Akta hori, noski, nahitaezkoa eta betearazlea izango da goragokoaren onarpena ematen denean.

Gasteiz, 1880ko ekainak 18a. = José G. del Campo

Proposamen-eredua

N. N. jaunak, ...ko bizilaguna, ... zenbakia duen halako mailako zedula pertsonala duena, eta halako kokapenean, baldintza-agiriaz jabeturik, zeinak enkante publikora ateratzen baitu halako herriko tropa eta zaldi egoilar zein pasokoentzat ogi eta pentsu-hornidura, zerbitzu hori ematea eskaintzen du, 70 dekagamoko ogi-anoko (letraz) honenbestetan, eta garagar-anoa hinenbeste pezeta eta honenbeste zentimo, eta lastozko kintal metrikoa honenbestetan; eta bere proposamenaren berme gisa, gordailua kutxa sukurtsalak egin duela egiaztatzen duen hainbeste pezetako agiria.

(Data eta proposatzailearen sinadura)

...

Gipuzkoako probintzia.

...

Soraluze uztailak 21ean arrasaldeko ordubatean

1881/06/29. Ogi eta pentsu hornidura

Gaceta de Madrid, 180 zbk. 906. eta 907. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Euskal probintzietako barrutiko intendente militarrak jakinarazten du, Administrazio militarreko zuzendari nagusiak hilabete horretako 8an xedatutakoaren arabera, urtebeteko eperako, datorren urriaren 1etik aurrera zenbatzen hasita, ondoren adierazten diren herrietako Armada zein Goardia Zibilen tropa eta zaldientzako, finko eta pasokoak, ogi eta pentsu-hornidura salneurri finkoetan kontratatu beharko dela; enkante publiko eta aldi berean egingo da, aipatutako egunetan eta orduetan, dagokion probintziako hiriburuko Intendentzia militar honen eta Gerrako Komisariaren tauletan, bulego horietan agerian egongo den baldintza-pleguari lotuta, eta behar bezala argitaratuko diren muga-prezioak eta amaieran argitaratuko den proposamen-eredua kontuan hartuta. Hori iragartzen da zerbitzu honetan parte hartu nahi duten pertsonek beren proposamenak plegu itxietan aurkez ditzaten, 11. zigiluko paperean idatzita; izan ere, proposamenak lizitazio-egintzan bertan edo legez ordezkatuta egon behar dira, sor daitezkeen zalantzak argitzeko, eta, hala badagokio, erremate-akta onartu eta sinatzeko. Akta hori, noski, nahitaezkoa eta betearazlea izango da goragokoai onarpena ematen zaionean. Dagokion eskritura formalizatuko da edo urteko hornidurak 12.500 pezetaraheltzen ez bada, hitzarmen soila.

Gasteiz, 1881eko ekainak 15a. = José G. del Campo.

...

Gipuzkoako probintzia.

...

Soraluzen, 1881eko uztailak 22an, goizeko hamar eta erdietan.