Jauregi etxea (eu)

    Sorapediatik
    Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.
    Jauregi etxea / Enparan / Abadetxea
    Jauregi etxea. Ikuspegi orokorra.jpg
    Estiloa Barroko-Neoklasikoa
    Mendea XVIII
    Kokapena Kalebarren
    Mota Arkitektura


    Irudiak

    (handitzeko, sakatu gainean)


    Kokapena

    (Pantaila osoan ikusteko sakatu hemen)

    Mapa kargatzen...


    Azalpena eta historia

    1688 urtean Sebastián de Jauregui y Loyola jaunak Jauregitarren maiorazgoa sortu zuen.

    Hurrengo mendearen bigarren erdian jauregi-etxea eraiki zuten, Loiola etxearen ondoan. Harri landuz eta itxura batekoa egin zuten, transizio barroko-neoklasikokoa.

    Zubi nagusira ematen duen ertz batean armarri narriatua dauka, dagoeneko elementu dekoratiboak baino nabari ez zaizkiona; animaliak agertzen dira, lehoiak ala otsoak segururena. Ezin esan Jaurregitarren armak errepresentatuko zituen, ala Azpeitiko Enparandarrenak; izan ere, horiek izan ziren eraikuntzaren antzinako jabeak eta eragileak.

    Egun Abadetxea da[1]. Herrian uste izan da emaileak Soraluzeko elizari etxea utzi nahi ziola testamentuan, baina idatziz jasotzerakoan Soraluzeko hitza desagertu zen... eta ordutik Donostiako Elizabarrutia da jabea.

    Gaurdaino bertako hainbat erakunde hartu ditu bere barnean; lehena, Sociedad de Amigos zeritzon erakundea izan zen; beheko solairua okupatzen 1859an hasi zen.

    XX. mendeko bigarren erdialdean Idigoras jantzi denda egon zen bertan. Berau ezartzeko, jauregiko ataria mugitu zuten iparralderantz: beheko solairuko eskumako leihoa apurtu zuten ate berria ezartzeko, eta lehengo atetzarra itxi.

    Idigoras denda ixterakoan, eta eguneroko mezetan jende gutxi beltzen zenez, parrokiak kapera bat antolatu zuen bertan.


    Erreferentziak

    1. Bada beste etxe bat Abadetxea izenekoa, Kalebarren 6 zenbakian. Segururena aurreko abadetxea izango zen.