Mark Webster Jenkinson (eu)

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Mark Webster Jenkinson

Jaio	1880
Hil	1935
Profila	Enpresa gizona

Biografia

Sheffield-en (Erresuma Batua) jaio zen 1880 urtean eta Horley-n hil, 1935eko azaroak 9an.

KBE (Knight Commander of the Most Excellent Order of the British Empire) eta FCA (Fellow Chartered Accountant) izan zen, eta The Placencia de las Armas Company Limited enpresaren azken zuzendari ingelesa.

Garaiko ohar nekrologikoa irakurtzeko, sakatu hemen.

Postu eta karguak

Chartered Accountant zen. 1926 urtean Vickers-en sartu zen, eta bi urte geroago, Vickers eta Armstrong batu zirenenan, Administrazio Kontseiluaren partaidea izan zen.

Honetaz gain hainbat lanpostu eta kargu izan zituen: Broadway Finance and Investment Company, Cooke, Troughton and Simms, eta Electric Holdings enpresen lehendakaria izan zen; The Car and General Insurance Corporation, Motor Union Insurance Company, eta Whitehead Torpedo Company konpainien deputy chairman; Earl of Dudley´s Baggeridge Colliery eta Round Okas Works enpresen lehendakariordea; eta gainera Compagnie Européene de Participations Industrielles, Edgehill Ltd., eta English Steel Corporation-en zuzendaria.

Eta, aurretik esan den moduan, The Placencia de las Armas Company Limited enpresaren zuzendaria ere, azken zuzendari ingelesa hain zuzen.

Erreferentziak

The Priesthood of Industry: The Rise of the Professional Accountant in British Management. Derek Matthews, Malcolm Anderson eta John Richard Edwards (Oxford 1998).