Nova Hispaniae Descriptio (eu)
| Nova Hispaniae Descriptio | |
|---|---|
| Egilea | Pieter van den Keere |
| Urtea | 1616 |
| Hiria | Amsterdam |
| Tamaina | |
.jpg)
Mapa zertan den
Espainia eta Portugaleko mapa eder hau Pieter van den Keerek argitaratu zuen lehen aldiz 1616an.
Bi kartutxorekin, batean Madril agertzen dela. Gainera, iparrorratza, munstroa eta itsasontziak erakusten ditu. Inguruan Felipe III erregearen irudia, armarria, 12 ikuspegi (El Escorial, Montserrat, Lisboa, Sevilla, Segoviako zubia Madrilen eta Valladolid goian, Toledo, San Adrian mendatea, Burgos, Granada eta Barcelona azpian) eta jantzi tradizionalak jasotzen dituen 8 irudi (Espainiako, Bizkaiako, Portugaleko eta Granadako mairuen bina).
Johannes Janssoniusek plantxak erosi, eta sei bat aldiz birrargitaratu zuen (van der Keeren izena berearekin ordezkatuz)[1]
1638. urtean Nicolaus Visscherek argitaratu zuen, Nova et accurata Tabula Hispaniae izenarekin hain zuzen.
Soraluzeri buruzkoak
Soraluze (Plazenzia) ez da nabarmentzen gainontzeko herrien artean, baina LEPVSCVA probintziaren erdi erdian agertzen da.
(Handiago ikusteko, sakatu gainean)
Soraluzeko ingurua
Nobiles Faminae Biscaiae
Biscaiae indigenae
San Adriango mendi lepoa
._Soraluzeko_ingurua.jpg)
._Nobiles_Faminae_Biscaiae.jpg)
._Biscaiae_Indigenae.jpg)
._San_Adrian.jpg)
Bitxikeriak
Hondarribia eta Irun Nafarroa barruan daude, Lepvscva Errenderitik Bilboraino zabaltzen da, eta BISCAIA, aldiz, Bilbotik Santanderreraino. Araba Gaztela barruan agertzen da.
Jantziak ilustratzeko lau multzo bereizten dira: espainiarrak, bizkaitarrak (euskaldunak?), portugaldarrak eta Granadako moriskoak. Bizkaiko bi irudi dakar: Bizkaiako andra nobleak[2] eta Bizkaiako bertakoak[3]. San Adrian mendi lepoaren irudia ere badakar.