Orbea zentrala (eu)

    Sorapediatik
    Jcao (eztabaida | ekarpenak)(r)en berrikusketa, ordua: 20:14, 13 otsaila 2021
    (ezb) ←Berrikuspen zaharragoa | Oraingo berrikuspena ikusi (ezb) | Berrikuspen berriagoa→ (ezb)

    Izenak

    Orbea zentrala eta Mendiola zentrala


    Historia

    1902. urteko urtarrilak 28an Eibarko Orbea y Cía enpresak Deba ibaiko urak ustiatzeko emakida lortu zuen. Enpresa honek Olabarrena zentrala ere erosi zuen gerora.

    Presa, gutxi gora behera, gaur eguneko Mendiola industrialdeako zubia baino metro batzuk gorago zegoen. Zentrala, berriz, Enbalajes Ansola enpresaren esparruan, zubiaren parean. Batetik bestera Iribeko erretena esaten zioten ubidea zegoen.

    Zentralera heltzeko ibaiaren gaineko pasabidea zegoen, 30 metro luze eta 1,10 metro zabal, oinezkoentzat; bertako etxeak Dominganekua zuen izena.

    Zentralak bertako langilea zen Manuel Egiazu Lezetak erosi zuen, 1969.ko maiatzak 29an. Eta urtebete geroago, 1970.ko apirilak 25ean Jose Maria Orbegozo Altunari saldu zion.

    Embalajes Ansola lantegia zabaldu zuten bertan. Horretarako, zentrala eta pasabidea bota zituzten, ibaia eta trenbidearen arteko esparrua industu eta zubi berria egin zuten.


    Kokapena

    Mapa kargatzen...


    Datu teknikoak

    Presak 30 metro zabal zen, eta segunduko 1.500 litro ur hartzen ziren. Ubidea edo erretena, ibaiaren eskumako aldetik zetorrena, 985 metro luze zen; Iribeko erretena esaten zitzaion.

    Biltegi erregulatzailea ere bazuen, 222 m2koa. Eta makina gelak 96 m2 zituen.

    Iribeko erretena eskumako ertzetik zihoan (Google 2018)


    Erreferentziak