Ordenanzas Municipales (1900) (eu)

    Sorapediatik
    Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.
    Ordenanzas Municipales (1900)
    Ordenanzas Municipales (1900). Azala.jpg
    Egilea Soraluzeko Udala
    Hizkuntza Gaztelaniaz
    Urtea 1900
    Argitaletxea Imprenta y Encuad. de J.F. López
    Hiria Bergara


    Izenburu osoa

    Ordenanzas Municipales de la N. y L. villa de Placencia

    Soraluze hiribildu noble eta leialaren udal arautegia


    Liburua zertan den

    Udal arautegi hau 1899ko azaroak 16an onartu ziren, Pedro Irigoien alkatea zela eta Ignacio de Aranguren udal idazkaria.

    Gipuzkoako gobernadore zibilak, E. Vivanco jaunak, 1900ko maiatzak 11an onartu zituen. Ondoren, Bergaran inprimatu zituzten.

    Arautegia 25 atal eta 168 artikulutan antolatuta dago:

    1. (14 artikulu) Erlijioaren kontrakoak
    2. (17 artikulu) Jai eta ospakizun publikoak. Aratusteak. Dantzaldiak
    3. (3 artikulu) Toki publikoak: kale, plaza etab.
    4. (12 artikulu) Kafetegi, taberna, kasino etab.
    5. (6 artikulu) Ikuskizun publikoak: titiriteroak, bolatineroak etab.
    6. (7 artikulu) Herri lasaitasuna. Bilera zaratatsuak. Alarma, errondak, zintzarrotsak, gau zaratak
    7. (10 artikulu) Kanposantuak
    8. (4 artikulu) Iragarkiak eta kartel publikoak
    9. (5 artikulu) Pesak eta neurriak
    10. (2 artikulu) Argiteria
    11. (19 artikulu) Pertsonen seguritatea. Herribideak. Paseabideak. Gurdi, zaldi eta ganadua
    12. (9 artikulu) Eraikinak eta lanak
    13. (5 artikulu) Suteak
    14. (2 artikulu) Lantegiak
    15. (artikulu bat) Galdutako umeak
    16. (artikulu bat) Zoroak
    17. (2 artikulu) Bainuak
    18. (7 artikulu) Txakurrak eta animali kaltegarriak
    19. (2 artikulu) Herribideen garbiketa
    20. (5 artikulu) Herri iturriak
    21. (5 artikulu) Eskolak
    22. (6 artikulu) Okindegiak
    23. (9 artikulu) Harategiak
    24. (14 artikulu) Janari eta edarien osasun azterketak: fruta eta lekaleak, esnea, arrainak, ehiza, herribideak, harrobiak, mendiak, eskaleak
    25. (artikulu bat) Isunak


    Soraluzeri buruzkoak

    Udal arautegi hau oso orokorra da, edozein herrirako balio zezakeena. Hala ere, badira pare bat puntu Soraluzeri propio dagozkionak.

    90. artikuluak leherkariak herrian biltzea debekatzen du. Baina hurrengo artikuluan Igarate eta Polborina izeneko eraikinak, biak "Soraluzeko fabrikakoak", salbuetsita daude: "nahiz eta herritik gertu egon, oso ondo egokituta daude, etengabe zainduta eta ardura guztiekin, eta ez da beharrezkoa agintariek zaintzea."

    110 artikuluan Compañía de Placencia de las Armas aipatzen da berriro. Sute kasuetan egin beharreko orokorren ostean, halaxe dio: "premia larriak halaxe eskatuko balu, agintariek Compañía de Placencia de las Armas zuzendaritzari eskatuko dio lantegi horren sute-bombaren laguntza, beharreko suhiltzaile kopuruarekin, lantegia eta Udalaren artean hitzartu moduan"

    Gainontzeko testua, seguru asko, kopiatu eta itsatsi egingo zuten. Dena dela, jatorrizko eredua ingurukoa izango zen: "aurreskua" eta danborjoleak aipatzen dira, "auzolan" berba erabiltzen da, mendi auzoei "barrio o valle" esaten zaie...


    Erreferentziak

    Liburuxka ekartzeko Liburutegi digitalera joan.