Otsoaldasoro III zista (eu)

    Sorapediatik
    Sorapedia (eztabaida | ekarpenak) (Orria sortu da. Edukia: {{Artelana (eu) | izena = Otsoaldasoro III | irudia = Otsoaldasoro_II_zista._Ganbara_hustuta_(Jesus_Tapia_2022).jpg | estiloa = Historiaurrekoa | mendea = Bron...)(r)en berrikusketa, ordua: 19:39, 17 uztaila 2022
    (ezb) ←Berrikuspen zaharragoa | Oraingo berrikuspena ikusi (ezb) | Berrikuspen berriagoa→ (ezb)
    Otsoaldasoro III
    Otsoaldasoro II zista. Ganbara hustuta (Jesus Tapia 2022).jpg
    Estiloa Historiaurrekoa
    Mendea Brontze Aroa
    Kokapena Elosua-Plazentzia estazio megalitikoa
    Mota Zista


    Azalpena

    Zista hau Otsoaldasoro parajean topa zuten (738 m). Tumulu batek babestuta dago.

    Trikuharriak zaharragoak dira, Neolito garaikoak (6.000 urte k.a.); zistak ordea, Brontze arokoak (3000-4000 urte k.a.).


    Irudiak

    (handitzeko, sakatu gainean)


    Kokapena

    (Pantaila osoan ikusteko sakatu hemen)

    Mapa kargatzen...


    Historia

    Nahiz eta Elosua-Plazentzia estazio megalitikoaren oso gertu egon, kilometro bat iparraldera, Telesforo Aranzadik, José Miguel Barandiaranek eta Enrique Egurenek ez zuten aurkitu 1921. urteko udan[1], bertako mendilerroko trikuarrien miaketa egiteko etorri zirenean.

    2022.ean Capital Green Power enpresak Muskiritzun parke eolikoa egiteko baimena eskatu zuen: Karakateko parke eolikoa. Bi aerosorgailu izango zituen parke hau Kortazarreko Haitza eta Elosua-Plazentzia estazio megalitikoaren artean kokatuko zen.

    Egitasmoa aurrera egiterakoan balizko aztarna arkeologikoak erabat suntsituko zituztelakoan, urte hasieran abiatu zuen Aranzadik mendigaineko ondare arkeologikoa ikertzen jarraitzeko kanpaina. Ikerketa bizkor horretan historiaurreko bi toki esanguratsu topa zituzten, gerora Gortazar eta Otsoaldasoro I zistak topa zituztenak, alegia.

    Urte bereko Aste Santuan Aranzadiko kideek eta Elgoibar eta Soraluzeko hainbat boluntariok toki hauetan eta beste hiru toki gehiago industu zuten. Guztira historiaurreko lau hilobi topa zituzten, laurak zista modukoak: Gortazar, Otsoaldasoro I, Otsoaldasoro II eta Otsoaldasoro III hain zuzen.

    Katak 4x3 metrotako azalera izan zuen. Tumuluak 4 metrotako diametroa eta 50 zentimetrotako altura zuen, asko jota; bertako harriak ertainak eta handiak. Erdian lau harri handi daude, horietako bik anguloan. Ganbarak 1,2 x 0,8 metrotakoa izango zen, gutxi gorabehera. Ganbara basalto lauzaz beteta zegoen, nahita seguru asko. Eta zista azpian ez da zulorik topa.

    Egitura estaltzen duten lurretan hanbat pieza agertu dira: silex lauza; hareharrizko bi errekarri, bata higatuta; beste hareharrizko lauza bat, higatua hau ere; eta eskuz landutako bi zeramika puxka. Ganbara betetzen zuten lauzen artean zeramikazko beste 23 zati agertu dira, eta erretako egur hondarrak ere.

    Ondoren, Aranzadik aurkitutako monumentuen gaineko inbentario zehatza osatu zuen eta ofizialki erregistratu gaur arte Plazentzia-Elosua estazio megalitikoan aurkitu diren 20 monumentuekin batera. Ondorioz, 2022.ean bertan Soraluzeko Udalak Gortazar eta Otsoaldasoro I eta II-ko zistak zein erromatar gotorlekua babestu zituen[2].


    Erreferentziak