Soraluzeren bandera (eu)
Bi dira udal gehienek dituzten ikurrak: armarria (eta sigilua, logoa...) eta bandera (eta koloreak). Soraluzek ere bereak ditu.
Azalpena
Soraluzeren bandera zuria da, erdian Borgoinako gurutze gorria zabalik duena, eta gurutzearen erdigunean herriko armarria erakusten du.
Ingurunean banda zabala du, gorria eta zuria tartekatzen direla.
.jpg)
Armarrian
Bandera berdinak (edo oso antzekoak) Soraluzeren armarrian lau aldiz agertzen dira. Alde batetik, gaztelutik irtetzen diren bi bandera mota honetakoak dira. Bestetik, lehoien atzean zabaltzen diren beste bi bandera zuriek ere Borgoinako gurutzea dute.
Ramiro Larrañagaren esanetan, bandera armarria baino lehenagokoa omen da… hala balitz, badaiteke armarriak agertzen diren banderak Soraluzerenak izatea (eta ez alderantziz, Soraluzeren bandera armarritik kopiatutakoa izatea).
XXI. mendean armarritik eratorritako logoan bi bandera besterik ez dira gerafzen, eta ez dute gordetzen Soraluzekoarenarekin inolako antzik.
Borgoinako gurutzea
Forma eta jatorria
San Andres apostolua gurutziltzatua hil omen zuten, baina ez gurutze arrunt batetan, baizik eta X forma zituzten bi enborren gainean. X forma honi San Andres gurutzea esaten zaio, baina adar moztuen aztarnak erakusten dituenean Borgoinako gurutzea da (Borgoinako patroia San Andres da).
Erabilera
Gurutze hau Joan I.a Borgoinakoaren (Joan Beldur Gabea) tropek Ehun Urteetako Gerran erabili zuten ikurtzat. Handik Europan barrena zabaldu zen: (zerrenda jarri) Gaztelako erresumara Felipe Ederrak ekarri zuen, Joana erreginarekin ezkondu zenean (1496). Carlos I. semeak Pavian erabili omen zuen lehenbizikoz, 1525.ean. Ordutik hona Gaztelako erresuman zein menpeko lurraldetan asko erabili izan zen Borgoinako gurutzea, herrietsko banderetan zein gudarostean. XVI eta XVII. mendeetan kolore eta diseinu asko erabili ziren. Baina Felipe V.aren aginduz (1704) errejimiento baten lehen batailoaren (koronelak agintzen zuena) banderak zuria izan behar zuen, Borgoinako gurutzearekin, eta errejimiento eta batailoiaren ikurrekin. Hortik izena: "bandera coronela". Urteekin, gainontzeko batailoien banderek ere, "ordenantza bandera" izenekoek, Borgoinako gurutzea erabili zuten. Espainiako erregeek ere Borgoinako gurutzea erabili zuten bere armarri eta ikurretan. Ondorioz, Borgoinako gurutzea, orokorrean, Espainiako erresumari lotua ikusi izan zen.
Soraluzeren banderaren balizko jatorriak
Ez da ezagutzen banderaren aintzinakorasuna, ez eta jatorria ere. Hala ere, teoria batzuk erabili izan dira.
Herri miliziak
XVII. mende bukaeran Carlos II.k probintziako miliziak birrantolatu zituen, eta antzeko bandera sistema ezarri zuen, Borgoinako gurutzea erabiliz. Gipuzkoako udaletan ere, bizilagunen konpainia militarrek "bandera koronela"ren antzekoak erabiltzen hasiko ziren, Borgoinako gurutzeari herri bakoitzeko armarria gehituz. Eta, hasiera batean herriko milizia ikurra zena, herriaren ikurra bilakatu zen. Han eta hemengo herri batzuk antzeko bandera izanak teoria honi pisua ematen dio. Hau da Ramiro Larrañagak onesten zuen teoria.
Armarritik banderara
Armarria bandera baino zaharragoa balitz, badaiteke hasiera batean armarrian agertzen diren banderak errejimientoetakoen antzekoak izatea; hau da, zuriak era Borgoinako gurutzea erdian. Gero, halako lau bandera herriko armarrian agertzen zirela, herriaren bandera aukeratzerakoan horietako bat kopiatzea gerta zitekeen.
Bizkaiako banderetatik
Bizkaiak ez du bandera ofizialik 1988. urte arte. Hala ere, eta garaiko akuarela batzuek erakusten dutenez, XVII era XVIII. mendeetan Bizkaiako itsasontziek bandera gorria erabiltzen zuten, Borgoinako gurutze zuriarekin. Aldi berean, Bilboko Kontsulatuak ere bandera propioa zuen, kolore zurikoa eta Borgoinako edo San Andres gurutze gorriarekin. Soraluzeko bandera hauen batetik etor zitekeen, edo biak nahasteagatik.
Bilbaoko kontsulatua
Bizkaiko itsasontziak
Nahasmenduak
Bada uste izan duena Soraluzeko bandera erreketeena dela, baina ez da halaxe inondik inora.
Karlistek 1935.ean hartu zuten bandera zuria, Borgoinako gurutzearekin, beren miliziak (erreketeak) antolatzerakoan. Soraluzeko bandera, berriz, askoz zaharragoa da.
Antzeko banderak
Gaztelako eta Espainiako gudarosteen "bandera coronela" historiko askok Borgoinako gurutzea daramate ere, baina orokorrean, kllore desberdinak erabiltzeaz gain, askoz osagai gehiago dituzte. Herri banderatan, berriz, antzekoak Ameriketan topa daitezke: Mexiko hiria, Valdivia (Txile), Alabama (E.E.B.B.) edo Florida. Nahiz eta batzuk baur egun San Andres gurutzea erabili, aspaldian Borgoinako gurutzea erabiltzen zute .
Gertuago, Huesca, Baztan eta Antzuolako anderak modukoak dauzkagu, Borgoinako gurutzeaz baina fondoa "aberatsagoa" dutenak. Antzuolakoa 921.etik omen dator (Valdejunquerako gudua), baina bandera hainbateran berritu izan dute, eta berritzeaz gain segururena diseinua egokitu Borgoinako gurutzea sartzeko.
Azkenik, Tafalla, Hondarribia eta Logroñokoa aipatzeak merezi du. Bandera zuriak dira, Borgoinako edo San Andres gurutze gorria daukate erdian eta herriaren armarria erdigunean. Logroñokoa Gaztelako Fernando III.ak eman omen zien (1227), Borgoinako gurutzea aferktu bakno lehen.