Atxolin Txiki tumulua (eu)

    Sorapediatik
    (Atxolin Txiki trikuharria (eu)(e)tik birzuzenduta)
    Atxolin Txiki
    Atxolin txiki 01 (Gipuzkoako ondarea).jpg
    Estiloa Historiaurrekoa
    Mendea Neolito-Brontzea
    Kokapena Elosua-Plazentzia estazio megalitikoa
    Mota Tumulua


    Azalpena

    Soraluzeko udalerrian dagoen trikuharria, Elgoibarreko mugan. Haitz tarteko zabalgune batean, Atxolingo ipar-mendebsldeko saihetsaldean, gailurretik 150 metrotara; itxas mailatik 824 metrotara. Aizkoin tumulua 150 metro hego-ekialderantz dago, eta Atxolin trikuharria 150 metro ipar-mendebalderantz.

    Tumuluak 11 metrotako diametroa eta 95 zentimetrotako altuera ditu. Erdian 4,40 x 3,40 metrotako diametroa eta 60 zentimetrotako sakonera dituen kraterra dauka. Eraikuntzan erabilitako materialak bertako basaltoak dira.

    Indusketan ez zen inolako material arkeologikorik aurkitu, baina monumentu erdian bertako harkaitzean zulatutako potzua ikusi ahal izan zen.


    Ikuspegi orokorra (Jose)

    Irudiak

    (handitzeko, sakatu gainean)


    Kokapena

    (Pantaila osoan ikusteko sakatu hemen)

    Mapa kargatzen...


    Historia

    Telesforo Aranzadik, José Miguel Barandiaranek eta Enrique Egurenek aurkitu zuten 1921. urteko udan[1], bertako mendilerroko trikuarrien miaketa egiteko etorri zirenean.

    Erdialdean haitzean zulatutako hobi bat identifikatu zuten. Hobi hau monumentuaren antzinako bortxaketa baten adierazgarri da.

    Eusko Jaurlaritzak 2003.eko ekainak 24an kalifikatu zuen.

    Azkenik, 2001 beste megalito bat topa zuten inguruan, Atxolin Txiki II zista moduan bataiatua.


    Aranzadi, Barandiaran eta Egurenen indusketak

    Exploración de dieciseis dólmenes de la sierra Elosua-Plazentzia liburuan jasotakoa:

    Kokapena
    Uztailak 7. Atxolin txikira igo ginen, egun honetan bertan trikuharri hau eta historiaurreko estazioaren mendebaldekoak arakatzeko asmoarekin. Baina gure asmoek porrot egin zuten, bi trikuharri baino ezin izan genuen ikertu, eta oraindik Gizaburuako mutur artekoak falta zitzaizkigun.
    Atxolin txiki trikuharria Atxolin eta Atxolin txiki haitzen arteko ataka batean dago, azken honengatik gertuagoa. Itsas gaineko altuera 785 metrotakoa da.
    Tamaina eta indusketa
    Aurrekoen antzera, kanpotik behintzat, gaur egun monumentu hau 11 metrotako diametroa eta 1,50 metrotako altuera dituen harri multzoa da. Trikuharria dela uste dugu, denborak eta gizakiak hondatutako benetako trikuharriekin duen antzarengatik.
    Trikuharriaren argazkia hartu genuen mendebaldetik (10. argazkia) eta indusketari ekin genion. Gero konturatu ginen ez zuela trikuharri baten harlosarik: duda barik, beste leku askotan gertatu denez gaur eguneko eraikinetan erabiliak izango ziren, mendiaren alde honetako beheko bideko borda baten harresiak erakusten duenez.
    Ikerketa honek ere ez zuen emaitzarik eman. Kontutan hartu behar da haitza, Aizkoin eta Kûtzebakarren moduan, zulatuta dagoela tumuluaren azpian, erdi-erdian.
    Trikuharri ondoko pago baten itzalpean bazkaldu eta gero, Atxolinera igo ginen.


    Erreferentziak