Belizeko Placencia herria (eu)

    Sorapediatik
    Belizeko Placencia
    Beliceko Placencia. Hondartza eta palmerak.jpg
    Mota Herria, penintsula, cayo-a, aintzira eta aeroportua
    Kokapena Belize (Ertamerika)


    Belizeko Placencia[1] herri txikia da, Stann Creek eskualdekoa.


    Argazkiak

    (handitzeko sakatu)


    Geografia

    Mapa kargatzen...

    Placencia Belize hegoaldean dago, Yucatanen penintsulan, Karibe itsasertzean. 20 bat kilometrotako penintsula dago bertan, kostaren paraleloan hegoalderuntz, eta muturrean bertan Placencia herria dago. Penintsulak 100-200 metrotako zabalera dauka, eta erditik Placencia road izeneko errepidea pasatzen da. Errepide hau aeroportutik (Placencia Airport[2]) penintsula puntaraino joaten da, Placencia herriraino. Herritik oso gertu, itsaso aldean, cayo Placencia du.

    Penintsula eta lurraren artean geratzen den golko estu eta luzeari Placencia aintzira esaren zaio (Placencia lagoon). Aintzira ez da oso sakona, metro bat edo bi asko jota. Bertan mota askotako animaliak dago: manatiak, delfinak, raiak (berez aintzira halako 'umezaintza' da raiandako), barrakudak...


    Historia

    Ingeles puritanoek sortu zuten 17. mendean, Nova Scotia eta Provedencia uhartetik etorrita, baina herri zahar hura 1820 urte inguruan desagertu zen.

    XIX. mende bukaeran familia batzuk etorri ziren bertara, eta itsasotik bizi ziren. Espainarrek Placentia izendatu zuten, eta bertako lurmuturra Punta Placentia.

    2001. urtean Iris hurakanak herriko etxe ia guztiak desegin zituen (ia %95a). Ordurako turismo herria bilakatzen ari zen, bertan dauden hondartza ederrengatik.


    Turismoa

    Inguruan ditu Maya hondartza aipagarria eta Placencia aintzira. Hondartzatik aintzirara 100 edo 200 metro besterik ez dagoenez, etxe gehienak hondartza, aintzira edo ubide baten ondoan daude.

    Turismoa dela eta, eskaintza zabala du, ur-kiroletik hasi (kayak, snorkel, urpekoak, arrantzan, tiburoiak ikusi...), jatetxe ugari eta arte galeria ere. Ospe handikoak dira Placenciako Otarrain Jaialdia, Placencia Penintsulako Arte Jaialdia eta Pazko Astea.

    Hau guztia dela eta, herria asko hazi da, ia 1000 biztanle ditu. Gaur egun aeroportua eta guztik dauka.


    Aeroportua

    Izena herriarena du, Placencia aeroportua (IATA: PLJ).

    Aerodromo zaharra, 650 metrotako pistarekin, Placencia penintsulan zegoen, herritik gertu. Aeroportu berria lurrean dago, itsas gaineko 14 metrotan, eta pista bakarra du (2.135 metro luze eta 25 metro zabal, Belize Hegaldi Zibilen Sailaren arabera).

    Baditu hegaldi nazionalak (Dangriga, Punta Gorda) eta nazioartekoak. Bi konpainiek lan egiten dute bertan, Maya Island Air eta Tropic Air.


    Kirolak

    Placentiak bi futbol talde garrantzitsu izan ditu Belizeko Premier League-n.

    Hasiera batean, Placencia Pirates Football Club[3], Bukaneroak modutan ezagunak. 2005 urtean sortu zen, eta urte berean Liga izabazi zuten, Eagles-i irabazi eta gero. Ostean Copa Interclubes UNCAF 2005ean parte hartu zuten. Elastikoa, frakak eta galtzerdi berdeak erabiltzen zituen. 2007 urtean desagertu zen, diru faltatik.

    Geroago Placencia Assassins Football Club[4] sortu zen. Elastiko gorria, fraka eta galtzerdi beltzak. Belizeko Super League-a irabazi izan dute (2011) eta Premier League-a ere (2012).

    Biak ala biak Placencia Football Field izeneko estadioa erabili dute (1.000 lagunentzako tokia).


    Informazio gehiago


    Erreferentziak

    1. Placencia. Wikipedia (ingelesez)
    2. Placencia Airport. Wikipedia (ingelesez)
    3. Placencia Pirates Football Club. Wikipedia (gazteleraz)
    4. Placencia Assassins Football Club. Wikipedia (gazteleraz)