Juana Rosa Ybaseta (eu)

From Sorapedia
Jump to: navigation, search
Juana Rosa Ybaseta Jauregui
Argazkirik ez.jpg
Jaio Soraluze (1748)
Hil Soraluze (1820)
Profila Etxekoandrea


Familia

Juana Rosa Ybaseta Jauregui Soraluzen jaio zen (1748/02/08). Hogeitabat urterekin Manuel Ylario Trebiño Zuricarai ermuarrarekin ezkondu zen, Soraluzen bertan.

Eta hurrengo hogei urtetan 16 seme-alaba izan zituen, 11 erditzetan:

  • 1769. Maria Manuela, umetan hil zela (1771)
  • 1771. Diego, urte berean hil zela (1771)
  • 1772. Juan Josseph.
  • 1774. Miguel Domingo eta Maria Micaela.
  • 1778. Josef Santos. Soraluzen hil zen, ia 81 urtekin (1859).
  • 1780. Josef Juaquin. Soraluzen hil zen, 5 urtekin (1831).
  • 1782. Francisca Bentura, umetan hil zela (1784).
  • 1784. Fermin. Soraluzen hil zen, 51 urtekin (1735).
  • 1786. Dominica, Eustaquio eta hirugarren ume bat. Hirurak egun gutxitara hil ziren.
  • 1787. Manuela, Josef Domingo eta Maria Brigida.
  • 1788. Manuela Petronilla, umetan hil zela (1791).

Manuel Ylario (1809/04/04) eta Juana Rosa (1820/10/23) Soraluzen hil ziren.


Nouvelles de la République des Lettres et des Arts (Paris, 1787.eko azaroak 28)

Europako ohiartzuna

Orduko aldizkariak, gaurkoen moduan, gauza bitxien atzetik zeuden, gero irakurleei kontatzeko.

Itxura denez, Juana Rosa Ybasetaren ospea Pariseraino heldu zen, eta bere kasua 1787.eko Nouvelles de la République des Lettres et des Arts aldizkarian jaso zuten:

DENETIK PIXKAT. Gipuzkoako Soraluzetik jakinarazten digutenez, herriko emakume bat hiru umez erditu dela, mutiko bat eta bi neskaz, itxuraz aurrera ateratzeko aukera dutenak. Pasatako urtean emakume honek beste hiru umez erditu zen, bi mutiko eta neskatxa bat, baina sei egun besterik ez zuten iraun bizirik. Zortzi hilabete eta erditan emakumeak sei ume izan ditu bi erditzetan; aurretik, bi ume izan zituen beste erditze batean.


Erreferentziak