Olea industrialdea (eu)

    Sorapediatik

    Izena Olea parajetik hartu du.


    Kokapena eta azalera

    Deba ibaiaren eskumaldean dago, Errekalde zubia eta Oleako zubiaren artean.


    Eraikinak 3.900 m2
    Bide, parking eta berdeguneak 1.700 m2
    Guztira 5.600 m2


    Mapa kargatzen...


    Argazkiak

    (handitzeko, sakatu gainean)


    Kamioia trabatuta Olea inguruan (Diario Vasco 2016)

    Historia

    Industrialdea gerra ostean hasi zen eraikitzen, Olalde[1] baserriaren lurretan, baserria bera 1940 urtean bota zutela.

    Oleako bidea eta ibaiaren arteko lurrez baliatu ziren; hortik Olea industrialdea izena.

    Bertako enpresek betidanik izan dute irispide eskasa. Alde batetik, bertarako bide bakarra Santa Ana kalea zen. Herri kaskotik pasa behar zen, eta gainera Santa Ana arkua bidea estutzen zuen. 1950 hamarkadan arkua hau nasaitu zuten. Baina Oleako bidea estua, aldapatsua eta okerra zen (eta da): sasoi batean hamaika kamioi geratu dira trabatuta bertan!

    1990 hamarkadan Olea zubia egin zutenean, industrialdeari sarrera oso ona eman zioten beste aldetik, baina berandu zen: Oleako bidea zabaltzeko aukera gutxi zegoen, eta ordurako enpresa gehienak itxita edo oso egoera eskasean zeuden.


    Bertako industriak

    Gaur egun pabiloi gehienak hutsik daude:

    • 28 zenbakia. Lete lantegia (zatia). Gaur egun Udal Biltegia.
    • 30 zenbakia. Lete etxe lantegia. Gaur egun garaje moduan prestatuta dago.
    • 32 zenbakia.
    • 34 zenbakia. Garai bateko Olalde baserria, 1940. urtean bota zutena.
    • 36 zenbakia.
    • 38 zenbakia. Tailerra.
    • 40 zenbakia. Viuda de Azcárate S.A. Etxe lantegia, goiko aldean bi etxebizitza dituela.


    Etorkizuna

    2014 urtean onartutako Soraluzeko Hiri-Antolamenduko Plan Orokorrak esparru guzti hau etxebizitzak eraikitzeko markatzen du.

    Oleako bidea (gaur egun Santa Ana kalea dena) ibai aldetik ekarriko dute, eta zubi berri bat izango da Errekalde kaleraino, 1. zenbakiaren parean hain zuzen. Etxeak bide berri honen eta barne-saihesbide artean egingo dute.

    Horretarako 28 eta 40 arteko eraikin guztiak bota beharko lituzkete. Baina 40. zenbakidun etxeen biztanleak aurka agertu dira (Viuda de Azcárate).


    Erreferentziak

    1. Olasarte edota Kaskantenekoa ere.