Inketan (eu)
| Izena/k | Inketan |
| Tokia | Buztina dagoena |
| Materiala | Inkea |
| Adina | 6 urtetik aurrera |
| Partaideak | 2 gutxienez |
Treberasun jolasa zen.
Hasiera
Lehenik eta behin, esparruak egin behar ziren: lauki handi bat buztinean marraztu eta zati berdinetan zatitu.
Gero, zotz egiteko kanta baten bidez partaideen ordena erabakitzen zen. Partaide bakoitzak bere zatia aukeratzen zuren, beri ordena errespetatzen.
Arauak
Jolasaren helburua besteen esparruak jatea da, irabazle bakarra geratu arte.
Horretarako, bi oinak norberaren esparruan jarrita (edo bat barruan eta bestea airean) inkea sartu behar zen beste lagun baten esparruan.
Orduan bestearen esparrua erdibitzen zen, inkeaz lerro bat marraztuz. Lerroa inkea sartutako puntutik pasa behar zen. Besteak bi zatietatik bat aukeratzen zuen, eta galdutako zatia irabazlearentzat izaten zen. Zapataz ezabatzen zen muga zaharra, esparruak batzeko.
Eta txanda zuenak berriro botatzen zuen inkea, galdu arte.
Inkea sartzen ez bazen, edo lerroa gaizki marrazten bazen (bukatu gabe, esateko) txanda galtzen zen, hurrengoari pasatuz.
Bukaera
Jokalari batek besteon esparru guztiak hartu dituenean.
Taktikak
Inkea norberaren esparru barrutik bota behar zela eta, zati handienak aukeratzen ziren geroan hobeto kabitzeko eta inkea erosoago botatzeko.
Bazegoen taktika bat joera hau aprobetxatzeko. Inkea kontrarioaren esparru muga ondoan sartu, eta esparru hari zati estu-luze kendu. Kontrarioak, gero inkea bota ahal izateko, esparru handiena aukeratzen du. Pare bat aldiz gehiago taktika hau egin eta gero, kontrarioaren esparrua zeharo inguratuta geratzen zen.
Orduan, erabat inguratuta zegoen esparruan hiru aldiz segidan inkea sartu eta gero, kontrarioa jolasetik kanpo geratzen zen eta bere esparru guztia irabazlearentzat izaten zen.
