Regnorum Hispaniae et Portugalliae 1707 (eu)
| Novissima et acuratissima Regnorum_Hispaniae_et_Portugalliae | |
|---|---|
| Egilea | Pieter van der Aa |
| Urtea | 1707 |
| Hiria | Leyden |
| Tamaina | 11.0 x 14,6 cm (grabatua) 14,7 x 19.0 cm (orria) |
.jpg)
Mapa zertan den
Lamina hau Beschryving van Spajen en Portugal (Espainia eta Portugaleko kutiziak) liburuan agertzen da, 26. lamina hain zuzen. Zuri beltzean dago. Herri eta hiriez gain, mapa honek bide nagusiak ere marrazten ditu.
Herbeheretako argitalpena 1707 urtean agertu zen, eta urte berean frantsesez argitaratu zuten. Arrakastatsua izan zenez, 1715 eta 1741 berriro argitaratu zuten, frantsesez hauek ere.
.jpg)
Soraluzeri buruzkoak
Soraluze (Placentia) ez da nabarmentzen letra tipo eta tamainaz, baina komunikazio gune garrantzitsu moduan agertzen da.
Alde batetik bide nagusia dago, Gatzagatik Debarainokoa, Arrasate, Bergara eta Elgoibarretik pasatzen. Gainera, beste hiru errepide irtetzen dira Soraluzetik: Elorriokoa (Udalatik), Tolosakoa (Azpeitiatik) eta Donostiakoa (Zestoatik).
Bitxikeriak
Aurreko argitalpenean maparen izenburua Beschryving van Biscaayen bazen ere (Bizkaiko kutiziak), frantsesezkoan Nouvelle Carte de Biscaie avec les grands chemins moduan agertu zen (Bizkaiko mapa berria bide nagusiekin).
Mendebaldetik Bizkaia Santillanako Asturiaraino heltzen da; hau da, Torrelavega eta Saja ibairaino. Letra larriz dago, hiru zatitan banatua: Bizkaia bera, Gipuzkoa eta Araba. Gaztelak (Castella Vetus) Arabako Errioxa hartzen du.