Gvipuscoae regionis typvs (eu)

From Sorapedia
Jump to: navigation, search
Gvipuscoae regionis typvs
Egilea Abraham Ortelius
Urtea 1584
Hiria Amberes
Tamaina 49 x 38 zm
Gvipuscoae Regionis typvs (Abraham Ortelius 1584).jpg


Gvipuscoae Regionis typvs margotua (Abraham Ortelius 1584).jpg

Mapa zertan den

Abraham Ortelius jaunak Theatrum Orbis Terrarum liburua argitaratu zuen 1570 urtean, Berpizkunde garaiko aurrenetako Atlasa. Dena dela, Atlasa egiterakoan Orteliusek urte batzuk aurretik Gerard Mercatorrek egindako Atlasa hartu zuen oinarri. Grabatzailea Joris Hoefnagel (Georgius Hoefnaglius) izan zen.

Urte haietan, 1578 urtean hain zuzen, eta Amberesen bertan, Gerard de Jodek bere atlasa argitaratu zuen (ikus Nova et Exactissima Descriptio Nobilis Provinciae Guipuscouae). Nahiz eta mapa hobeak izan, Abraham Ortelius arrakastatsuagoa izan zen, eta askoz gehiago saldu.

Atlas honek 1612 urtea arte hainbat argitalpen izan zituen. 1584ko argitalpenean mapa hau agertzen da, garaiko Gipuzkoa erakusten dena (gaur egunekoa bera).

Atlasaren orrialde batek Gipuzkoako mapa dakar, Cadiz eta Toledorekin batera (ez ordea Bizkaia, Araba, Nafarroa edota Ipar Euskal Herria). Gainera, Debagoienako geografia askoz hobeto eta zehatzago jasota dago, Gainontzeko Gipuzkoakoa baino. Ematen du bertako baten batek parte hartu zuela, segururena Esteban Garibai arrasatearrak[1].


Soraluzeri buruzkoak

Soraluze (Plazencia) agertzen da, baina beste herrien artean ez da nabarmentzen.


Bitxikeriak

Mapa hau beste bi maparekin batera agertzen da: Carpetaniae Partis Descr. (Toledo, Leganés eta Chinchón arteko eskualdea) eta Baia de Cadiz (Cadizeko badia).

Gvipuscoae Regionis typvs osoa (Abraham Ortelius 1584).jpg

Erreferentziak

  1. Esteban Garibai. Wikipedia (euskaraz).