Karakateko parke eolikoa (eu)

Adi! Artikulu hau oraindik argitaratze prozesuan dago.

Zuzentzen baduzu, edo informazioa gehitzen baduzu, mesedez ez kendu ohar hau. Eskerrik asko!

Kortazarreko antena eta Karakateko aerosorgailuak (O. Pérez 2022)

Aurrekariak: 2002

1998.ean Eusko Jaurkaritzak 11 kokapen antzeman zituen parke eolikoak garatzeko, horietako bat Mendigaina.

Kortazarreko Haitza eta Irukurutzeta arteko 4 kilometrotan 25 aerosorgailu ipintzeko asmoa zegoen.

Tramitazioan bizkorregi ibili ziren, ingurugiroko azterketa egiteko asmorik ez zutela. Aurki hasi ziren aurkako mugimenduak: Gazte Asanblada, Mendigainak ikutu bez!... Eta ekintzak: 200 lagun bildu zuen akanpada, sinadura bilketa...

Inguruko udalak ere (Elgoibar, Soraluze, Bergara eta Azkoitia) aurka agertu ziren. Herritarrek era udalek, elkarrekin, 2002. urtean Eusko Jaurlaritzak egitasmoa bertan behera uztea lortu zuten; arrazoi nagusia Dolmenen ibilbidean dauden trikuharriak gorde ahal izateko.

Azkenik, sei parke eolikok aurrera egin zuten: Araban Elgea (27 MW) eta Badaia; Bizkaian Oiz (30 haizesorgailu, 25,5 MW), eta Ordunte-Ganekogorta; Gipuzkoan Elgea-Urkilla eta Mandoegi.

2022.eko baimen eskaerak

20 urte geroago, eolikoak bultzada ederra jasotzen ari dira. Energia prezioak alde batetik, eta Europatik datozen jarraibideak (eta laguntzak) bestetik, gobernuek berriro hasi dira eolikoak garatzeko lanetan.

Eusko Jaurlaritzak Lurraldearen Arloko Planean (PTS), beste beste, hainbat parke eoliko jasotzen ditu, tartean Karakatekoa.

Eta aukera hori baliatuta Capital Energy Holding Company enpresak Espainiako energia merkatua irautzeko asmoa omen duenak, hainbat proiektu garatzen hasi da. Horretarako Green Capital Investment 135 SL enpresa ezarri zuen Gipuzkoan eta proiektuak garatzeko baimen batzuk eskatzeko asmoa agertu du (2022eko martxoan):

Parkea	Udalerriak	Aerosorgailuak	Aurrekontua
Buruzai	Urretxu Azkoitia Zumarraga	4 x 4,5 MW = 18 MW	15,3 M€
Trekutz	Urretxu Antzuola	2 x 6,0 MW = 12 MW	10,2 M€
Eskeltzu	Zizurkil Usurbil	4 x 4,5 MW = 18 MW
Karakate	Soraluze Elgoibar	2 x 4,8 MW = 9,6 MW	10,8 M€
Guztira		57,6 MW	36,3 M€ (gehi Eskeltzu)

Karakateko parke eolikoa (2022.eko egitasmoa)

Karakateko proiektuaren ezaugarriak

2002-2022 tartean gauza asko pasa dira Mendigainean.

Alde batetik, Soraluze-Elgoibar-Bergara herriak, Debegesarekin batera, egundoko lana egiten ari ziren Dolmenen ibilbidea sustatzeko eta, beraz, bertako monumentu megalitikoak babestuta zeuden; hau da, Gizaburuatik Irukurutzerarainoko tartea debekatuta dago aerosorgailuentzako.

Beste alderik, Kortazar Haitzaren inguruan erromatar garaiko kanpamendu baten aztarnak agertu ziren, baina momentuz aztarnategia ez dago babestuta.

Beraz, gaur egun aerosorgaikuak jar daitezkeen esparrua orain dela 20 urte baino askoz murritzagoa da. Baina denbora honetan teknologiak ere aurrera egin du, era gaur eguneko aerosorgailuak garai batekoak baino askoz indartsuagoak era handiagoak dira.

Kokapena

Bi aerosorgailuak Akilar eta Otzoaldasoro inguruetan kokatuko dira.

Honetaz gain, parke eolikoak 50 hektarea den esparruan eragiten du (1050 m x 500 m); hau da, kilometro koadro erdia.

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"auto","height":"600px","centre":false,"title":"","label":"","icon":"","lines":[],"polygons":[{"text":"\u003Cdiv class=\"mw-parser-output\"\u003E\u003Cp\u003Elime\n\u003C/p\u003E\u003C/div\u003E","title":"","link":"","strokeColor":"#FF0000","strokeOpacity":"1","strokeWeight":"2","pos":[{"lat":43.194762,"lon":-2.408422},{"lat":43.189366,"lon":-2.397719},{"lat":43.185648,"lon":-2.401188},{"lat":43.191052,"lon":-2.411916}],"onlyVisibleOnHover":false,"fillColor":"#FF0000","fillOpacity":"0.5"},{"text":"","title":"","link":"","strokeColor":"#FF0000","strokeOpacity":"1","strokeWeight":"2","pos":[],"onlyVisibleOnHover":false,"fillColor":"#FF0000","fillOpacity":"0.5"}],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":15,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"\u003Cdiv class=\"mw-parser-output\"\u003E\u003Cp\u003EAkilar\n\u003C/p\u003E\u003C/div\u003E","title":"Akilar\n","link":"","lat":43.191633,"lon":-2.407665,"icon":""},{"text":"\u003Cdiv class=\"mw-parser-output\"\u003E\u003Cp\u003EOtzoaldasoro\n\u003C/p\u003E\u003C/div\u003E","title":"Otzoaldasoro\n","link":"","lat":43.188776,"lon":-2.40197,"icon":""}]}

Instalazioa

Ezaugarria	Balioa
Kopurua	2 aerosorgailu
Energia	Urteko 34.230 Mwh
Laneko tensioa	30 KV
Irteera	Aluminiozko kableak (sekzioa 240 mm2) Lurperatuta Elgoibarko Azkue azpiestazioraino

Aerosorgailuak

Ezaugarria	Balioa
Ekoizlea	GENERAL ELECTRIC
Eredua	GE 158 4.8 MW HH 101 m.
Potentzia	4,8 MW
Sortze-tensioa	690 KV
Oinarria	Porlana, diametroa 25,8 m
Dorrea	101 m
Rotorra	79 m (radioa)
Palak	77,1 m
Puntu altuena	180 m

Aurrekontua

Atala	Aurrekontua
Aerosorgailuak	5.947.500 €
Herri lanak	1.089.737 €
Instalazioak	262.326 €
Bestelakoak	921.285 €
Guztira	10.762.915 €

Egutegia eta logistika

Egutegiaren arabera, behin bideak egokitu eta gero, aerosorgailuen ezarpena 5 hilabetetan egingo zen, herri lanetan hasi eta aerosorgailuak martxan jarri arte.

Aerosorgailuen osagaiak (dorrea, seaska, bujea, palak…) errepidez igoko omen dituzte. Errepide honek 4,5 metro zabal izango zen, beste metro bateko ezpondak alboetan, gehienezko aldapa %15a eta gutxieneko radioa 60 m.

Proiektuaren bilakaera eta egutegia

2022.eko otsaila

• 2022/02/11. Baimen eskaeraren lehen agerpena Gipuzkoako Aldizkari Ofizialean.
• 2022/02/14. Green Capital Investment 135 SL enpresak proiektua aurkeztu zion Soraluzeko Udalari.
• 2022/02/23. Soraluzeko Baso Biziak elkartea haize errota parkea jartzeko asmoarekin "guztiz" kontra agertu zen.
• 2022/02/24. Eolikoei aurka egiteko lehen bilera Gaztetxean.

2022.eko martxoa

• 2022/03/02. Parke eolikoa eraikitzeko baimen eskaera Gipuzkoako Aldizkari Ofizialean agertu zen: 20 egun alegazioak aurkezteko.
• 2022/03/03. Soraluzeko Udalak Karakateko parke eolikoaren aurkako mozioa aho batez onartu zuen: "Mendigainean eolikorik ez!"
• 2022/03/18. Zentral eolikoa Mendigainean ipintzearen kontrako protesta egin zen, Soraluzeko Udalak deitua.

2022.eko apirila

• 2022/04/20 Aranzadikoek Historiaurreko bi monumentu topa zituzten Kortazarreko Haitzaren gertu. Aspalditik zegoen duda, ea zergarik ez zen megalitorik agertu Sabua eta Kortazarreko Haitzaren artean. Parke eolikoa bertan ezartzeko asmoa zutenez, berandu baino lehen inguruak industea proposatu zuen Aranzadiko Jesus Tapiak, eta apirilean lehen bi megalito topa zituzten. Kanpaina berean beste bi megalito agertu ziren maiatzean.

2022.eko maiatza

• 2022/05/08 Elgoibarkom eta Soraluzeko taldeek antolatuta, zentral,eolikoaren aurkako mendi martxa jendetsua egin zen.
• 2022/05/11 Goienerreko eta Arabako Mendiak Aske plataformako kideek hitzaldia eman zuten Soraluzen: Zentral eolikoak Karakaten?.
• 2022/05/25 Elgoibarko Udalak proiektuaren kontra egin zuen aho batez.

2022.eko ekaina

• 2022/06/16. Soraluzeko Udalak Muskiritzun elementu megalitikoa aurkitu berriak babestea onartu zuen. Elementu hauek, batez ere, Karakate eta Sabua artean agertu ziren, parke eolikoa egin nahimduten esparruan, alegia.
• 2022/06/20. Gipuzkoako Ahaldun Nagusia, Markel Olano, Soraluzera etorri zela aprobetxatuz, Karakate bizirik plataformak jendea bildu zuen proiektuaren kontrako jarrera Aldundiari ezagutarazteko.
• 2022/06/24. 491 ekarpen jaso zituen Aldundiak, Etorkizuna eraikiz izeneko ekitaldian; Soraluze izan zen Gipuzkoa osoan ekarpen gehien egin zuen udalerria. 136 ekarpenek ingurugiroarekin zerikusia zuten, eta horietatik 90 Karakateko parke eolikoarekin desadostasuna adieraziz.
• 2022/06/26. Karakate bizirik plataformakoak proiektuari buruzko informazioa herritarrei zabaltzen aritu ziren.

2022.eko uztaila

• 2022/07/22 Karakate bizirik! kanta aurkeztu zuten. Hitzak Regina Maiztegi eta Arrate Gisasolarenak dira. Musika, berriz, Jon Oñederra eta Ander Ariznabarretak ondu zuten. Hauetaz gain, Aiuri Gisasolak ere parte hartu zuen grabazioan.
• 2022/07/.. Green Capital enpresak Ingurumen-inpaktuaren ohiko ebaluazioa txostena aurkeztu zuen, eta Eusko Jaurlaritzako Ingurumen Jasangarritasun Sailburuordetzak eskuragarri jarri zuen. Besteak beste, bertan proposatzen da Elosutik barrena mendigain osoan zehar errepide zabala eraikitzea, dorre eolikoen piezak garraiatzeko "aukera bakar" moduan. Hilabeteko epea zabaldu zen txostenari ekarpenak egiteko.

2022.eko abuztua

• 2022/08/12. Karakate bizirik plataformak kontrako iritzia agertu zuen.
• 2022/08/12. Soraluzeko Udalak Ingurumen-inpaktuaren ohiko ebaluazioa txostenari egindako oharrekin beste txostena prestatu zuen, eta Eusko Jaurlaritzako Ingurumen Sailari igorri zion.