Naasiko Goena tumulua (eu)

From Sorapedia
Jump to: navigation, search
Naasiko Goena
Naasiko Goena tumulua. Ikuspegi orokorra 04 (Inaxio).jpg
Estiloa Historiaurrekoa
Mendea Neolito-Brontzea
Kokapena Elosua-Plazentzia estazio megalitikoa
Mota Tumulua


Azalpena

Soraluzeko udalerrian dagoen tumulua. Naasiko Goena izenez ezagutzen den tokian dago, Kutzebakaar mendiaren ipar-mendebaldeko sahietsaldean, gailur honen eta Pagobedeinkatuko lepo tartean, azken honen 400 metro hego-ekialderantz. Itsas gainetik 833 metrotara dago. Pagobedeinkatu tumulua 320 metro ipar-mendebalderantz dago.

Tumuluak 9 metrotako diametroa eta 150 zentimetrotako altuera ditu. 7 metro t'erdi luze, 2 metro zabal eta 80 zentimetro sakon den lubaki bat dauka iparraldeko arkuaren erditik hegoaldeko muturreraino. Eraikuntzan erabilitako materialak bertako basaltoak dira.

Indusketan ez zen inolako material arkeologikorik aurkitu.


Irudiak

(handitzeko, sakatu gainean)


Kokapena

(Pantaila osoan ikusteko sakatu hemen)

Loading map...


Historia

Telesforo Aranzadik, José Miguel Barandiaranek eta Enrique Egurenek aurkitu zuten 1921. urteko udan[1], bertako mendilerroko trikuarrien miaketa egiteko etorri zirenean.

Ikerlarien arabera, trikuharriaren izena Nâsiko goena da.

Eusko Jaurlaritzak 2003.eko ekainak 24an kalifikatu zuen.


Aranzadi, Barandiaran eta Egurenen indusketak

Exploración de dieciseis dólmenes de la sierra Elosua-Plazentzia liburuan jasotakoa:

Kokapena
Trikuharri hau Kûtzebakarretik 250 metrotara dago, Irukûtzeta eta Kûtzebakarretik Soraluzerako bidearen eskuman. TUmulua osatzen duen harri-piloa ota, garoa eta pagoz beteta dago. Trikuharria dagoen ingurua elkarren artean ustiatzen dute eta hortik Nâsiko goena izena, gure langileen arabera.
Tamaina, osaketa eta indusketa
Tumuluak 9 metrotako diametroa dauka, eta metro t'erdiko altuera erdialdean. Hegoalde-ekialdetk argazkia hartu genuen (6. argazkia). Harri handirik ez dago, hobi kamararen hondakinak direla susmatzeko. Kamarari dagokion tokian zuloa agertzen da, altzor bilatzaileren batek egindakoa, berarentzat nekea eta alperrik eta guretzat kaltegarri. Esan ziguten orain dela hamalau bat urte baserritar batek trikuharria eragin zuela, eta urre asko etara omen zuen: handik gutxira Ameriketara joan zen, gauza handirik topa ez zuela seinale.
Indusketa eginda, ez genuen inolako arrastorik topa, ez arkeologikorik ezta giza arrastorik ere. Zabaldutako lubakiaren argazkia hartu genuen (7. argazkia) hegoaldetik eta joan ginen.


Erreferentziak

  • Exploración de dieciseis dólmenes de la sierra Elosua-Plazentzia