San Sebastian irudia (eu)

From Sorapedia
Jump to: navigation, search
San Sebastian irudia
San Roque ermita. San Sebastian. Arantza Cuesta Ezeiza.jpg
Estiloa Herrikoia
Mendea XVI
Kokapena San Roke ermita
Mota Eskultura


Irudiak

(handitzeko, sakatu gainean)


Azalpena eta historia[1]

Gurutze Santuaren ermitan dauden San Roke eta San Sebastianen irudiek ezaugarri herritarrak eta itxura manierista dituzte, eta Urrezko mendeko lantoki gaztelauekin erlazioa daukate eta bai eragina ere (Valladolid-eko eskola).

San Roke ermita zaharberritzearekin batera, irudi hau Donostiako Elizbarrutiko Museoan zaharberritu zuten.

San Roke-k eta San Sebastian-ek aspalditik izan zuten bere kapera parrokian. Halaxe, 1590 urtean Domingo Garzia Loiolakoa izendatzen da parrokiako elizan dagoen San Roke eta San Sebastianen aldarearen arduradun.

1597 urterako San Roke eta San Sebastianen irudien erretaula-hornazina eraikitzen hasi zuten, eta lanak asko aurreratu ziren 1598ko nafarreri izurriteari esker, hil baino lehen beraien testamentuetan kutsatutako askok dirua laga zutelako helburu honendako.

Hala baieztatzen du Joan Ibañez (Eizagirre baserrikoa) eta Ana Eizagirre Iraolakoa neba-arrebek 1597ko abuztuan egindako testamentuak. Testamentuak honela dio: Item. San Roke eta San Sebastianen irudien erretaula egiten laguntzeko hamabi erreal eta dukat bi bidaltzen ditugu (hurrenez hurten) eta mezak ordaintzeko... (Ytem, mandamos para ayuda de hazer el rretablo de las imágenes de san rroque y san sebastián, doze reales y dos ducados (respectivamente) y se paguen de misas...)

Urte bi beranduago, eskultura-lanak bukatuta zeuden eta gastua herritar guztien artean banatu zuten, Pedro Iraolakoa eskribauak 1599ko abuztuaren 1ean jasotako aktaren arabera: ...herritarren artean laurogeita lau dukatak banatua, Pablo Urrutiakoari ordaintzeko... (...se haga repartizión entre la poblazión de los ochenta y quatro ducados, a fin de pagar a Pablo de Urrutia...)

XVII mendean San Roke eta San Sebastianen bi irudi hauek Gurutze Santuko ermitara eraman zuten, eta XVIII mendean parrokiarako beste San Roke handiagoa ekarri zuten. Ez ordea, San Sebastianena, haren debozioa asko jaitsi zelako seinale.

1700 urtean beste izurrite batek Soraluze kolpatu zuen eta, larriak eraginda, San Roke Txiki parrokiara ekarri zuten. Nahikoa ez zelakoan, handik egun batzuetara San Sebastian eta Ezoziako Andramaria ere jaitsi zituzten.


Erreferentziak

  1. San Rokeren ermita. Javier Elorza (Soraluze 1996)