Totius Regnii Hispaniae Portugalliaeque (eu)
| Acuratissima Totius Regnii Hispaniae Portugalliaeque | |
|---|---|
| Egilea | Frederik de Wit Justus Danckerts |
| Urtea | 1688/ 1690 |
| Hiria | Amsterdam |
| Tamaina | 60 x 51 zm |
.jpg)
Mapa zertan den
.jpg)
Cornelis Danckerts familiako lehen kartografo eta grabatzailea izan zen, eta familia enpresa sortu zuen, Herbeeretako garrantzitsuenetakoa. Justus Danckerts (Amsterdam 1635-1701) bere semea izan zen. 1680. hamarkadan Deckerts atlasak argitaratzen hasi zen: 1686-1687 (20 orri), 1690 (26 orri) eta 1698-1700 (60 orri). Hurrengo urteetan hainbat argitaratzaileek mapa hauek (eta grabatzeko plantxak) erabili zituzten. Theodorus eta Cornelis semeek familia enpresa jarraitu zuten.
Frederick de Wit (Gouda, 1629/1630 – Amsterdam, 1706) kartografo eta artista izan zen. Bizitza aurrera ateratzeko mapak marrazten, inprimatzen eta saltzen zituena. Mapetan modu askotan agertu ziren izena (Frederic, Frederik, Frederick, Frederico edota Fredericus) eta abizena (de Witt edota de Widt).
Batak zein besteak oso mapa berdintsuak atera zuten 1688-1690 bueltan. Sinaduretaz gain, aldaketa bakarra izenburuetan dago: Acuratissima Totius Regnii Hispaniae Justus Danckerts-en mapan, eta Acuratissima Totius Regnii Hispaniae Portugalliaeque Frederik de Wit-en mapan. Biak garai berekoak izanik, eta Amsterdamen lan egin zutenez, zaila da asmatzea zeinek laga zion zeini grabatzeko plantxa.
Frederik de Wit-ek, iberiar penintsulaz gain, sasoi berean mapa zehatzagoak ere argitaratu zituen, horietako bat Regnorum Castellæ veteris Legionis et Gallæciæ principatuumque Biscaiæ et Asturiarum accuratissima descriptio izenekoa.
Soraluzeri buruzkoak
Gipuzkoa Bizkaia barruan dago, baina ondo bereiztuta aldi berean.
Inguruko herri garrantzitsuenak, maiuskulaz idatzita, Bilbao, Iruña (Pamplona) eta Baiona (Bayonne). Bigarren mailan, Gipuzkoa barruan, Soraluze, Tolosa, Donostia eta Hondarribia.
.png)
Bitxikeriak
Bizkaia barruan Bizkaia bera, Kantabriako ekialdea, Gipuzkoa, Araba eta Errioxa agertzen dira.