Zezena dator arkupetik (eu)

From Sorapedia
Jump to: navigation, search
Izenburua Zezena dator arkupetik / Iriarena
Egilea/k Herrikoia
Hizkuntza Euskaraz
Iturria
Partitura sakatu hemen
Entzuteko sakatu hemen


Letra

Zezena dator arkupetik,
sua dariola adarretik,
jea, jea, Santana kaletik!
Zezena dator arkupetik,
sua dariola adarretik,
jea, jea, Santana kaletik!
La la la la...
Jea, jea, zezenak dira,
bel-beltzak dira,
adar zorrotza,
bustana motza.
Harrapatzen bazaittu,
harrapatzen bazaittu,
jo ta bertan hilko zaittu!
jo ta bertan hilko zaittu!
Zezena dator arkupetik,
sua dariola adarretik,
jea, jea, Santana kaletik!


Azalpenak

Soraluzeko abestitzat hartu izan da beti. Dena dela, koplak[1] Soraluzekoak badira ere, doinua ez.

Garai batean sokamuturrak Kalebarren eta Santa Ana kaleak hartzen zituen, zezenak Santa Ana komentu ondoan gordetzen zirela. Hortik dator ...arkupetik... Santa Ana kaletik....

Hauek 1730 baino aurreko kontuak dira, ze urte horretan hiltegi zaharra egin zuten, hiltegiaz gain bertan gorderzen zituztela zezenak jaietako zezenketa era sokamuturrentzat.

Doinuak berriz Donostian sortu omen zen, Iriarena edo Idiarena izenarekin, eta garai baten oso zabaldua izan zen herrikoi bihurtu arte.

1.925 urterako Jose Olaizola Gabarain (Hernani 1883 - Donostia 1969) maisuak egokituta zuen lehenengo eta bigarren txisturako. Urte hartan, Donostiako 2. Txistulari Lehiaketan[2] jo beharreko lana izan zen eta.

1957 urtean partitura hau Txistulari aldizkarian[3] argitaratu zuten.


Irudiak

Handitzeko sakatu

Erreferentziak

  1. Kopla. Euskal bertsogintzan, 10 eta 8 silabako bi lerro-pare, edo 8, 8, 10 eta 8 silabako lau lerro dituen bertsoa.
  2. Partitzelak
  3. 11. zenbakia (1957ko uztaila-iraila), 151-152 orrialdeak.