Laguntza:Estekak (eu)

Sorapediatik
Hona jauzi: nabigazioa, bilatu
Hastapenak
Estilo kontua
Sarrerak
Irakurri
Argitaratu
Sortu
Itzuli
Kontuak eta saioak
Saioan sartu
Kontua sortu
Estekak
Sorapedia barruan
Sorapediatik kanpo
Fitxategiak
Irudiak
Pdf-ak
Musika
Bideoak
eBook-ak
Taulak

Gehienetan, sarrera baten barruan aipamen asko egiten dira: Soraluzeko beste pertsona, toki, eraikin, dokumentu...

Ez du merezi informazio guzti hau bertan kopiatzerik: Sorapedian horri buruz sarrera balego, nahikoa litzateke esteka bat jartzen. Gero, irakurleak bertan sakatu eta aipatutako sarrerara salto egingo du.

Hau oso komenigarria da, hainbat arrazoiengatik:

  • Sarrerak aberasten ditu. Sarrerak mamitsuak izatea komeni da... pasatu barik! beste sarreren aipamena egiten badugu, sarrera hauen 'mamia' gure sarreratik eskura jartzen ari gara eta, beraz, gure sarrera aberastuko dugu modu errezean.
  • Lan gutxiago egiteko. Informazioa eguneratzeko, nahikoa izaten da sarrera bakarra mantendu. Aipamena egiten dioten sarrerak eguneratutako bertsioa erabiliko dute, ez da ezer gehiago egin behar.
  • Irakurleen arreta mantendu. Behin gure sarrerara irakurlea sartuta, irakurri eta gero aipamena (esteka) erabil dezake Sorapediaren beste sarrera irakurteko, eta hemendik beste bat, eta beste bat... Modu honetan Soraluzeri buruz gehiago ikasiko du.

Adi! Helburua ez da sarrera asko eta laburrak izatea, bestela irakurlea aspertuko genuke. Baina sarrera bat idazterakoan kontutan hartu beharko dugu bi gauza:

  • Sorapediaren zein beste sarrera aipatu daitezke bertan.
  • Kanpoko sarrerarik aipatzeak merezi duen.


Sorapedia barruan

Gorago esan dugunez, aipamen gehienak Sorapediako beste sarreretara egingo ditugu.

Esteka sartzeko hiru urrats egin behar ditugu:

  • Esteka lotu nahi diogun testua saguaz aukeratu
  • Goiko menua esteka sakatu (hiru begiko katea) eta
Laguntza. Esteka sartu.jpg
  • Sorapediak erakusten duen menuan, goiko lerroan sarreraren izena sartu, (eu) edo (es) edo… ahaztu barik! Menuan bertan, Sorapediak esaten digu eskatutako esteka Sorapedia barrukoa den, eta eskatutako orria dagoen ala ez.
Laguntza. Esteka sartu. Barrukoa.jpg

Gogoratu esteka dagoen orri batera edo EGONGO DEN orri batera sartu dezakegula. Hau da, jakin badakigu eskatutako sarrera geroago guk (edo beste pertsona batek) sortuko dugula, lasai asko sartuko dugu esteka: hasieran gorriz agertuko da, baina sarrera hori sortzerakoan jauzia ondo ibiliko da.

Oharra: Euskararen sintaxia dela, eta Sorapediaren izenak direla, esteka sartu nahi diogun testua eta sarreraren izena ez dira bat etorriko. Esateko, demaigun ...Txurruka baserriko aurrekaldea... esaldian Txurruka baserria (eu)ren aipamena egin nahi dugula; lehenik eta behin lotzeko testua aukeratuko dugu (izan Txurruka, Txurruka baserri, Txurruka baserriko edo Txurruka baserriko aurrekaldea) eta, esteka sartzerakoan, testu horri Txurruka baserria (eu) sarrera lotu beharko diogu.


Sorapediatik kanpo

Inoiz Sorapediatik kanporako sarreraren bat ere komeni da lotzea: herriko beste web batera, beste nonbaiten dagoen txosten batera... Kanporako estekak sartzerakoan bi aldiz pentsatu behar dugu ea ze nolako ekarpena egiten dioten Sorapediari.

Kanporako estekak testu barruan sartzeko, barne esteken moduan sartuko ditugu. Kasu honetan, Sorapediak esaten digu eskatutako esteka Sorapedia kanpokoa dela:

Laguntza. Esteka sartu. Kanpokoa.jpg

Kanporako estekak testu barruan sartu badaitezke ere (ikusitako moduan), erreferentzi gisa sartzea gomendatzen dugu; hau da, dagokion testuari zenbakitxoa gehitu eta, Erreferentziak izeneko atalean, esteka edo jauzia sartu. Horretarako, urratsak honako hauek dira:

  • Kurtsorea jarri erreferentzi-zenbakia nahi den tokian (hau da, testuaren atzekaldean).
  • Goiko menua erreferentzia sakatu (liburua zabalik)
Laguntza. Esteka sartu. Erreferentzia.jpg
  • Erreferentzi testuan azalpena idatzi, eta onartu.
Laguntza. Esteka sartu. Erreferentzia testua.jpg
  • Erreferentzi testua aukeratu eta goiko menuan esteka sakatu (hiru begiko katea). Hemen kanporako esteka sartuko dugu.

Bigarren modu honekin, testutik erreferentzi atalera jauzi egingo dugu, eta hemendik kanpo estekara.