San Salvador ermita (eu)

    From Sorapedia
    Revision as of 22:52, 23 December 2020 by Jcao (talk | contribs)
    (diff) ← Older revision | Latest revision (diff) | Newer revision → (diff)
    San Salvador ermita
    Espiritu Santuaren ermita
    Santutxua (Humilladero)
    San Salvador ermita. Ikuspegi orokorra (SketchUp 2020).jpg
    Estiloa
    Mendea XVI (edo aurrekoa)
    Kokapena Herrigune historikoa
    Mota Eraikina


    Azalpena

    Eibarko irteeran zegoen, Baltegieta kalearen bukaeran, Mendikute dorretxearen baino pixka bat haruntzago. SAPAren fabrika berriaren lehen nabea egin zuten lurretan, gutxi gorabehera. Oso gertu moskete zein arkabuzendako probatokia zegoen, ermitarekin batera desagertuko zena.

    Ermita honek izen bat baino gehiago zuen: San Salvador, Espiritu Santua, Santutxua[1]...

    1545 urtean agertzen omen zen lehengo aldiz agiri zaharretan, eta Murugarrenek 1646 urtean aipatzen du atzera. Mende bat geroago, ermita Florencio Joseph Lamoten mapan agertzen da (1756).

    Ermita Y batez markatuta dago, eta alboan probatokia, H batekin markatua. Ermitak erakusten duen dorreak San Salvadorren garrantzia azpimarratzen du, Soraluzeko gainontzeko ermitak dorrebakoak dira eta. Grabatua marraztu zenean dorrea nahikoa berria izango zen, parrokiarenak ere hirurogei bat urte zituen ordurako (1695koa da).

    Olabarrena ingurua (Florencio Joseph Lamot 1753)

    Ramiro Larrañagak jaso zuenez[2], Soraluzeko ipuin zahar batek Igarate inguruan tenplario zaldunek egoitza izan omen zutela zioen. Elezaharrak inolako oinarria balu, agian San Salvador ermitarekin zerikusi izan zezakeen.

    1834 urtean Soraluzen izandako ufal handiena izan zen. Garai hartako agiri baten arabera[3] ur mailak hamalau bat metro egin zuen gora, eta hainbat eraikin eraman zituen aurretik: 15 bat etxe, 6 bat lantegi, arraindegia, zubi nagusia bera... eta San Salvador ermita osoa zein alboko probatokia.

    Halaxe desagertu zen betiko San Salvador edo Espiritu Santu ermita.


    San Salvador ermitaren irudiak 3Dtan (2020)


    Kokapena

    (Pantaila osoan ikusteko sakatu hemen)

    Mapa kargatzen...


    Erreferentziak

    1. "Humilladero" gaztelaniazko agirietan.
    2. Soraluze. Monografía histórica. 141 orrialdea. Ramiro Larrañaga (1993).
    3. Inundación del 30 de junio de 1834. Ramiro Larrañaga (La Voz de España 1978).