Urteurrenak. Urtarrila (eu)
- Urteko urteurrenak ikusteko, sakatu hemen.
|
1 | 1617ko urtarrilaren 1ean Udalak Maala ermitako etxezain Domingo Irigoiengoa izendatu zuen. Ermita hori 1608 urtean hasi ziren eraikitzen, Herlaegi auzoan, baina ez zuten inoiz bukatu. 1685 urtean, berriz, Errabaleko ospitalea egoera txarrean zegoenez, Errekaldean ospitale berria egitea erabaki zuten, ermitaren orubean hain zuzen. (Gehiago jakiteko, sakatu hemen) |
|
2 | 1505eko urtarrilaren 2an Soraluzeko Udalak "Ordenanza sobre el arrendamiento de la alcabala y relación del gravamen que se debe aplicar a los diferentes productos por este impuesto" onartu zuen. Hurrengo urtean (1506/01/20) produktu gehiago zergapetu zituzten.
|
|
2 | 1928 urtean Eusebio de Calonje hil zen. 1913 urtetik Soraluzeko Compañia Anónima de Placencia de las Armas enpresaren zuzendaria zen. Urte batzuk geroago bere anaia Alejandro SAPAko zuzendaria izendatu zuten, oso eragin handikoa.
|
.jpg)
|
4 | 1978 urtean Eusko Jaurlaritzak Arregia jauregia kultur ondasun kalifikatu izendatzeko espedientea ireki zuen.
|
|
5 | 1895eko urtarrilaren 5ean Alberditarrek Olako presa eraikitzeko emakida lortu zuten. Dena dela, presa ez zen bukatu 1929ko ekainak 19a arte.
|
.jpg)
|
7 | Gerraostean izandako inmigrazioarengatik Soraluzen etxebizitza falta handia zenez, herriko enpresariak bildu ziren berriak egiteko. 1947ko egun honetan Txurruken eta Salon baserrien ortuak erosi zituzten, 4.307,82 m2. Prezioa ere bizkor 'adostu' zuten, gerra osteko giroari esker: metro koadroko 32 pezeta.
|
|
7 | Aurea Etxaniz (1922-2019) raketista profesionala Tenerifen ezkondu zen, bere karrera profesionala utziz. Gero senarra eta biak Caracasera joan ziren, bertan bizi izatera.
|
.jpg)
|
8 | Udalak antolatzeko legearen ondorioz, ordutik aurrera alkateak, bi teniente-alkatek eta bederatzi errejidorek osatuko zuten Soraluzeko Udala.
|
.jpg)
|
8 | 2003ko urtarrilaren 8an, arratsaldeko ordu batean, Larreategi zubietako baten 4. zutabeko hiru dobela askatu ziren; 70 bat zentimetro behera egin zuten, baina ez zen dobelarik erori: zintzilik geratu ziren. Bada ezpada, GI-627 errepidea eten zuten, erortzeko arriskua zegoelakoan (dobelak, zutabeak... zubi osoa). Errepidea astebetez egon zen moztuta. Istripua izandako zubia ez atzera ez aurrera geratu zen hainbat hilabeteetan, baina zubi paraleloak aurrera egin zuen. Autobidea zabaldu zutenean zubi bakarra zegoen bukatuta. Bigarrena ia urtebete geroago zabaldu zuten”. |
|
|
9 | 1513ko urtarrilaren 9an, Soraluzeko Udalak "Ordenanza Municipal sobre la concesión de solares de titularidad pública, para ampliar la población" onartu zuen.
|
.jpg){kind=small}
|
9 | 1818ko urtarrilaren 9an Borboiko Maria Isabel Luisa printzesa hil zen, jaioberritan. Aurreko urtean jaio zenean Manuel Tapiak Canción al Rey y a la Reyna konposatu zuen Soraluzen. Manuel Tapia hau Erregetxeko atezaina zen.
|
.png)
|
9 | 1831ko urtarrilaren 9an orduko jauntxoak Udaletxean bildu ziren, Antonio Maria de Aldasoro alkateordearen zuzendaritzapean. Herrikaskoan ur gutxi eta eskasak zirela eta, Ipiñarrietatik ekartzea erabaki zuten; gainera, lanak ordaintzeko zerga bereziak onartu zituzten: ardo azumbre bakoitzeko bi marabedi, eta okela libra bakoitzeko beste bi. Denok alde agertu ziren, Manuel de Arluciaga kenduta; azkenik, lanak lehenbailehen asteko erabaki zuten, hurrengo udaberrian.
|
.jpg)
|
10 | Palma de Mallorcan jaio zen Rafael Hernández Francés, 1885 urtean. Gurasoak Luis Hernández Barbero (Artilleria komandantea) eta Mª Concepción Francés Roselló izan zituen. Gerra garaian SAPAko zuzendaria zen, eta bere etxean atxilotuta izan zuten. Gerra ostean zuzendari izendatu zuten atzera.
|
|
11 | 1877 urtean José María de Areyzaga y Magallón jaunari, Mendikute dorretxearen jabeari, baroi titulua onartu zioten Espainian. Baroi titulu hau Austriako Fernando II.ak bere arbaso bati eman zion, Bernardo Areyzaga y Zandategui jaunari hain zuzen.
|
.jpg)
|
13 | 1865eko urtarrilaren 13an Espainian arma ekoizpenaren monopolioa legez desagertu zen. Eta hurrengo martxoan Soraluzeko Erret Arma Fabrikak desegiteko legea etorri zen. Bi erabaki hauek Soraluzeko armagintza tradizionalaren errematea eragin zuten.
|
.jpg)
|
14 | 1900 urtean Jose Miguel Aranguren Pagoegik Bergarako Juan Jose Larrañaga eta Santos Gallastegiri Sologoeneko zentrala ustiatzeko emakida saldu zien. Emakida hau 1898. urteko ekainak 4an lortu zuen.
|
|
|
14 | 1911 urtean Angel Astaburuaga Barrutiak Irurak-bat zentrala eraikitzeko emakida lortu zuen. Eta 1915eko abuztuak 2an Antonio Zabala Garairi saldu zion.
|
|
14 | 1971ko urtarrilaren 14an, orduko lege eta arautegi esparruan erosoago egokitzeko, Soraluzeko Ametsa ikastola elizaren babesean jarri zen: eskola parrokiarena izango zen, izen berria Nuestra Señora de la Asunción, egoitza Abadetxean, eta titularra orduko parrokoa, Miguel Goikoetxea Zubizarreta.
|
|
|
15 | 2018 urtean Jose Inazio Asensio, Gipuzkoako Foru Aldundiko Ingurumen Sailburua, zentrala bisitatu zuen bertatik bertara ezagutzeko eta Soraluzeko Udalarekin zentrala berritzeko akordioa sinatzeko.
|
1853ko urtarrilaren 16a: S.A. Euscalduna
Fábrica Nacional de Armas portátiles de la Villa de Placenciako zuzendaritzak Bernardo de Echaluceri Olabarrena inguruko eraikinak alokatu zizkion urte baterako, lanabes eta trepeta guztiekin.
1785eko urtarrilaren 17a: Juan Ignacio de Obiaga
Juan Ignacio de Obiaga Peruko erresumen inkisidore apostolikoa izan zen. Hil zenean diru asko utzi zion Soraluzeri. Egun honetan hil zeneko berria herrira heldu zen, eta testamentuaren berriak ere.
1627ko urtarrilaren 18a: Arma zuriak
Burnia eta ikatzaren prezioek etengabe gora egiten zutenez, Jeronimo de Aybar arma ikuskariak arma ekoizpenaren prezio-zerrenda prestatu zuen, ordura arteko salneurria eta proposatutako gainkostua, burdina eta ikatzaren igoera orekatzeko.
2007ko urtarrilaren 19a: Zaharren egoitza
Gipuzkoako Aldundiak eta Soraluzeko Udalak zaharren egoitza hobetzeko lankidetza sinatu dute.
1506ko urtarrilaren 20a: Archivos municipales (1481-1520) Soraluzeko Udalak "Confirmación del asiento anterior sobre las alcabalas y adición de nuevos productos con su gravamen" onartu zuen. Aurreko urtean (1505/01/02) onartutako zergak produktu gehiagori ezarri zizkion. 1955ko urtarrilaren 22: Etxaburueta kalea Etxaburueta kaleko 1 zenbakian egon zen eskola Estatuko Aldizkari Ofizialean (BOE) "diruz lagundutako eskola" izendatu zuten. 1512ko urtarrilaren 24: Archivos municipales (1481-1520) Soraluzeko Udalak probintziako ordenantza berriak jaso zituen. Ordenantza berri hauek aurreko urtean Zestoan onartu ziren. 1599ko urtarrilaren 25: 1598ko izurritea Izurritea bukatu zelakoan, Gasteiz eta Logroñora mezulariak bidali zituzten, Oñati eta Soraluzen izandako izurriteagatik Deba Arroarekin itxitako komunikabideak zabaltzeko eskatuz. 1773ko urtarrilaren 26: Florencio Josepf de Lamot Florencio Josepf de Lamotek autua ezarri zion José de García tabernariari (ardo zuriak saltzen zituen) Soraluzeko alkatearen aurrean. Aurretik pistolak saldu zizkion, tabernariak atzera bueltatu eta Florencio Josepf ez zen konforme geratu.
1883ko urtarrilaren 26: Policarpo Larrañaga Policarpo Larrañaga, "Don Poli", Soraluzen jaio zen. Abadea izateaz gain, idazle, sindikalista, politikari… Ezoziko Ama ereserkiaren letraren egilea ere bada.
2018 urtarrilaren 26: Zutik ozta-ozta nator Soraluzeko zinegotzi izan eta gerra zibilean preso egondako Venancio Iñurrietaren familiak eskuz idatzitako gutunak Eusko Jaurlaritzari eman zizkion. 1902ko urtarrilaren 28: Orbea zentrala Eibarko Orbea y Cía enpresak Deba ibaiko urak ustiatzeko emakida lortu zuen. 1844ko urtarrilaren 29: Ybarra aita-semeak José Ignacio Ybarra Yribe Campos, armagile ospetsua eta herriko alkatea izandakoa, Josefa Juana Cortazar Arrizabalaga anderearekin ezkondu zen, Soraluzen. 1584ko urtarrilaren 30: Ormaetxea jauregia Juan Ochoa de Salazar jaunak, Kalagorri-La Kaltzadako apezpikuak, Errukiaren serorak Ormaetxeara moja moduan pasatzeko lizentzia eman zuen. Ordutik aurrera mojek Logroño hiriko Lilien San Pedro komentuko erlijiosoen moduan bizi behar zuten.
1929 urtarrilaren 30: La Baskonia. Azala
1893-1943 epean Argentinan argitaratu zen La Baskonia aldizkaria (1893-1903 La Vasconia. Revista Ilustrada Éuskaro-Americana de Historia, Literatura y Artes, 1903-1943 La Baskonia. Revista decenal ilustrada). 1272. zenbakian, aldizkariaren azalean Soraluze atera zuten, Indalecio Ojangurenen argazkia erabiliz.