Lamoten grabatua (eu)

From Sorapedia
Jump to: navigation, search
Lamoten grabatua
Lamoten grabatua. Azala.jpg
Egilea Pedro Ortuondo
Hizkuntza Euskaraz/ gaztelaniaz/ ingelesez/ alemanez/ frantsesez
Urtea 2018
Argitaletxea Makina Erreminta Museoa
Hiria Elgoibar


Izenburu osoa

Lamoten grabatua / Grabado de Lamot / Lamot engraving / Gravur von Lamot / Gravure de Lamot

Mapa Topographica de Plasencia (1756)
Pedro Ortuondo (Noticias de Gipuzkoa 2018)

Grabatua zertan den

Lamoten grabatua 1756 urtean argitaratu zen Madrilen. Jatorrizko ale bat Soraluzeko udaletxean egon zen urteetan, baina gerra garaian desagertu zen. Gero, 1956an,z Joaquin de Yrizar jaunak beste ale bat topa zuen Madrilgo Biblioteka Nazionalean[1].

Gurean, Ramiro Larrañagak zabaldu zuen: Placencia de las Armas. Monografia (1970) liburuan aipamena egin zuen, eta Soraluze Placencia de las Armas: monografía histórica (1993) liburuan erreprodukzioa sartu zuen.


Pedro Ortuondo eta Bea Ansola liburua aurkezten (Diario Vasco 2018)

Liburua zertan den

Ramiroren lana oinarritzat hartuta, Pedro Ortuondo jaunak, Elgoibarko Makina Erraminta Musearen zuzendariak, grabatuari buruzko liburu hau osatu zuen, azalpen zehatzez josia.

Grabatuan 34 alde edo zati bereizten ditu, bakoitzaren irudia eta azalpenak biltzen dituela:

  • Burualdean (1-7) Erret Lantegiaren bezeroei eskaintzak; Fernando VI erregea eta Arandako konteari, alegia.
  • Honen azpian (8-13) Gipuzkoa eta Soraluzen azalpenak, eta Erret Lantegien ekoizpena.
  • Beherago, bi aldeetan (15-16), errege biltegiak.
  • Laminaren erdian (14, 17, 22) Soraluze inguruetako mapa.
  • Maparen inguruan (18-21) arma azterketen irudiak.
  • Hauen azpian (22-26) Soraluzeko ikuspegi orokorra, azalpen eta guzti.
  • Beheko aldian (27-31) lau gremioen azalpenak eta irudiak.
  • Gremioen erdian (32) Josepf Lamoten erretratua.
  • Lamina osoan sakabanaturik (33) arma ugari, mota guztietakoak.
  • Denen azpian (34) inprenta-oina modukoa.

Liburua oso grafikoa da, komentatzen den zati bakoitzaren irudiak erakusten dituela. Gainera, bost hizkuntzatan dago: euskaraz, gazteleraz, ingelesez, alemanez era frantsesez.


Erreferentziak

  1. Un desconocido grabado de la Real Fábrica de Armas de Placencia. Joaquín de Yrizar (Boletin de la RSBAP 1967)