Legionis, Biscaiae et Guipiscoae Typus (eu)

From Sorapedia
Jump to: navigation, search
Legionis, Biscaiae et Guipiscoae Typus
Egilea Jodocus Hondius
Urtea 1606
Hiria Amsterdam
Tamaina 48.7 x 35.8 zm
Legionis, Biscaiae et Guipiscoae Typus (Jodocus Hondius 1619).jpg


Frantziako Liburutegi Nazionaleko mapa

Mapa zertan den

Joost de Hondt herbeheretarrak (latinez, Jodocus Hondius) Gerard Mercator-ren Atlas-a erosi zuen, mapa berriekin osatu eta 1606 urtean argitaratu zuen, Atlas izenarekin (liburu zaharren munduan Mercator-Hondius Atlas moduan ere ezagutua). Geroago bertsio txikiagoa argitaratu zuen, Atlas minor izenekoa.

Bertan lamina hau dago, Legionis, Biscaiae et Guipiscoae Typus izenekoa. Eskuz margotuta dago.

Kantauri kostaldea erakusten du, Oviedo paretik Baionaraino, eta bi itsasontzi ere. Lehorretik Zamora, Toro eta Tordesillas harrapatzen ditu.

Frantziako Liburutegi Nazionalean mapa bera dago, mugak margotuta dituenak. Hala ere, Gvipuscoae regionis typvs maparekin nahasten dute, azken hau Georgius Hoefnaglius-ek egina dela (Joris Hoefnagel), eta Abraham Ortelius-ek argitaratu zuela 1584. urtean Anberesen.


Soraluzeri buruzkoak

Placencia inguruko herriak baino handiagoa agertzen da.


Bitxikeriak

Placencia inguruan, Eibar Bizkaia barruan agertzen da; Oxirondo eta Bergara, berriz, banatuta. Arrasate inguruan ere auzo guztiak agertzen dira. Elgeta inguruko mendietan bi herri ezezagun, Maia eta Aquiotar (Angiozar?).


Erreferentziak