Les Asturies et la Biscaye (eu)

From Sorapedia
Jump to: navigation, search
Les Asturies et la Biscaye
les Royaume de Navarre,
d'Arragon et de Leon, et celuy
de la Vieille Castille
Egilea Nicolas de Fer
Urtea 1700/ 1705
Hiria Paris
Tamaina 38,4 x 26,7 cm
Les Asturies et la Biscaye (Nicolas de Fer 1705).jpg


Mapa zertan den

Nicolas de Fer (1646-1720) paristarrak 600 mapa baino gehiago grabatu zuen. 1700. urtean L'Atlas Curieux où le Monde représenté dans les cartes générales et particulières du Ciel et de la Terre argitaratu zuen (Atlas bitxia, edo Mundua Zeruko eta Lurreko mapa orokorretan eta partikularretan azalduta).

1701 urtean La province de Guipuscoa izeneko mapa agertu zen, agian goian aipatutako bilduman.

Mapa gehienak eguneratuta, 1705. urtean berriro argitaratu zuen Atlasa. Mapen bi bertsioak oso antzekoak dira: ertza desberdina izateaz gain, gainetik marraztutako mugek, koloretakoek, desberdintzen dituzte.

Maparen beste bertsio bat


Soraluzeri buruzkoak

Soraluze (Placentia) Urrola ibaiaren ertzetan agertzen da. Maparen arabera, itsasoz hel zitekeen Soraluzeraino.


Bitxikeriak

Bi mapetan Bizkaia ia Santanderreraino heltzen da. Hirutan banatuta dago: Bizkaia benetakoak bi zati hartzen ditu, eta hirugarrena Gipuzkoa da (Guipusacoa). Eta itsasoa Bizkaiako itsasoa deitzen da.

Bi mapen arteko desberdintasun bat Araba eta Errioxa dira: mapa batean Gaztela barruan agertzen dira, eta bestean berezituak. Beste desberdintasuna, berriz, Hondarribia, Irun eta Hendaia esleitzeko orduan: Gipuzkoan edo Nafarroan agertzen dira. Bigarren mapan Nafarroa Aragoi koroarekin batera agertzen da.

Baiona inguruan Errobik izandako aldaketak erakusten dira: gaur eguneko itsasoratzea eta itsasoratze zaharrak, 20 kilometro goragokoak (Errobiko ahoak). Itsasoa, hemen, Euskaldunen itsasoa da.

Mapek ederki asko bereizten dituzte Asturies de Santillana eta Asturies d'Oviedo.


Erreferentziak