Sagar-errekako zubiak (eu)

    Sorapediatik
    Sagar-errekako zubiak
    Sagar-errekako zubiak. Zerutik 02.png
    Ibaia Sagar-erreka
    Urtea 2003
    Mota Porlanezkoa
    Luzeera 135 m
    Zabalera 11,70 m x 2
    Altuera ¿? m
    Erabilera Autobidea


    Azalpen orokorrak

    Zubiak zerutik

    Zubi hauek Eibar-Gasteiz autobidearen parte dira.

    Bi zubi paralelo dira, norabide bakoitzeko bi errai dutela, nahiz eta hiru errai sartzeko prestatuta egon. Eitzako eta Gallastegiko tunelen artean daude, Sagar-errekaren gainean.

    Zubia ez da laua (%2,45-ko aldapa dauka) ezta zuzena ere (1.200 metrotako radioa du, eta 450ko klotoidea). Bideen artean 20,70 metro ditu.

    Zubiak 2003 urtean zabaldu zituzten, Maltzaga - Bergara (iparra) tartearekin batera.


    Kokapena

    Mapa kargatzen...


    Eraikuntza

    Eibar-Gasteiz autobidea eraikitzerakoan, zubiendako diseinu asko erabili zituzten. Sagar-errekako zubiek arku bakarrekoak dira, zubia eusteko, eta taula bat gainean, errepiderako.

    Sagar-errekako lur malkarrak kontutan izanik, zubiak eraikitzen hasi baino lehen erreka tartea lurrez bete zuten, behin-behineko plataforma zabala lortu arte; eta plataforma honen azpitik errekarentzat propio pasabidea egin zioten. Lurrezko plataforma honen gainean aldamioak jarri zituzten.

    Ordurarte, zubi mota hauek bi fasetan egiten ziren: bi aldeetatik hasita aurrena arkua jasotzen zen, eta behin arkua gogortuta gaineko taula gero. Sagar-errekako zubiak egiterakoan biak batera egin zituzten, arkua eta taula, penintsula iberikoan lehen aldiz. Horretarako gurdi jaurtitzaile bakarra erabili zuten.

    Zubiak bukatuta, behin behineko lurrezko plataforma kendu zuten, erreka eta bere ingurua lehengoratzeko.

    Zubien eraikuntza (Alamy 2003)


    Irudiak

    (Handiago ikusteko, sakatu gainean)


    Kontuak

    Zubia dagoen tokian bolera zegoen, bolo-palman[1] aritzekoa. Kantabriatik etorritako etorkinek sortu zuten, eta urtetan aritu ziren bertan... baina azkenean ahaztu egin zen.

    Zubia egiteko behin behineko plataforma egin zutenean bolo-palma bolatoki hau esparrua azpian geratu zen. Ingurua lehengoratzerakoan, baina, bolatokia zein Mutxaneko putzurako bidea desagertuta zeuden.

    2017 urtean, bide hau berreskuratzerakoan, bolo-palmaren kaxa[2] agertu zen atzera, puxkatuta.


    Erreferentziak

    • Puentee en arco sobre el río Sagar, Placencia de las Armas/ Soraluze (Guipùzcoa). Santiago Badìa (Escola Tècnica Superior d'Enginyers de Camins, Canals i Ports de Barcelona 2002).
    1. Bolo-palma. Kantabriaren estiloko bolo jokua. Wikipedia (euskaraz).
    2. Txirloak jartzeko bederatzi zulodun harria.