Sorgiñena (eu)

From Sorapedia
Jump to: navigation, search
Izenburua Sorgiñena
Egilea/k Ander Ezenarro Urzelai
Hizkuntza Euskaraz
Iturria Gerardo Ezenarro
Partitura sakatu hemen
Entzuteko sakatu hemen


Letra

1

Pasatu dan urtian
gure balli onetan
sorgiñak ez digute
iñoiz utsi lotan
Ja ja jai

Zarrak eta gaztiak
sarturik matasan
horrela ibiltzen dira
erreka eta plazan. (bis)

ISTRIBILLUA edo LELOA

Ju ju ju jupa zapi zuzena
ju ju ju jupa jupa beti
jupa Mikela Antoni
jupa sanpansarri

sorgiñen errege da
akelarren jarri
jupa esanaz dago
beti bizi bedi.

2

Ogeita bost serore
eta bosteun Mari
denbora gutxi onetan
sartu dira sorgin
Ja ja jai.

Ollo beltz onek daki
nola diran egin
milagro au bakarrik
emakume oyekin. (bis)

3

Ollo beltz ederronek
daukan birtutia
emakume zar danak
sorgiñ biurtzia
Ja ja jai.

Kara kara egindu
onek arrautzia
berua dagon arte
gaizki da ikutzia. (bis)

4

Iya bada sanpansar
zuk dezun kargua
gaixo edukitzeko
erri ingurua
Ja ja jai.

Lumazko burukuak
dauka milagrua
penaz konsumitzeko
guri medikua. (bis)


Azalpenak

Gerra aurreko sasoian Ander Ezenarro Urzelaik hamaika abesti egin zituen, batez ere Aratoste konpartsendako. Tartean hau, edota Zapatariak.

Letra Gerardo Ezenarro semeak jaso zuen, eta Eustaki Maiztegi Txiket-ek txukun-txukun transkribatu. Botaizu zeuria Udal ekimenaren barruan, 1991ko jai egitarauan jasotako letrak agertu ziren.


Erreferentziak