Labana (eu)

From Sorapedia
Jump to: navigation, search

Kokapena

Eliz atarian, ate txikiko aldean, bi hormabularren[1] artean.

Loading map...


Argazkiak

(handitzeko, sakatu gainean)


Historia

Gaur eguneko eliz ataria 1666 urtean egin zuten, eta zorua harlauzaz estali.

Baina labanaren zoruko harlauzak desberdinak dira, labanak, izenak berak esaten duenez. Eta elizako paretan aterpe bat eusteko beste harri batzuk ikusten dira, gaurko eliz atariak erabiltzen ez dituenak. Segururena, gaurko eliz ataria baino lehen beste bat txikiagoa egongo zen, labana estaltzeko nahikoa. Eliz atari berria egiterakoan hormetako euskarriak bertan utziko zituzten, eta harlauza labanak ere.

1983 urtean eliza ataria zaharberritu zutenean harmaila kendu eta zorua ere berriztu zuten. Ondorioz, gaur egunekoa Labana ez da labana.


Frontoia

Nahiz eta harmaila bat izatea buelta osoan, labana betidanik erabili izan da pilotan aritzeko. Gera aurreko sasoietan bertan neskak aritzen ziren, mutilak Udal frontoia erabiltzen zuten bitartean.

Gerra ostean neskak ez ziran pilotan aritzen, eta Labana batez ere ume eta mutikoek erabiltzen zuten. Partida formalak baino, gehien bat motxailadatan aritzeko. Berez ez da oso toki handia: "frontoiak" 2 metro t'erdiko frontisa du, eta kantxa 6 metro luze da.

Agian, eliz atari berria egiterakoan, labanaren harlauzak ez zituzten aldatu frontoiaren esparrua garbi uzteko. Hala balitz, frontoi hau 1630 urte ingurukoa izango zen.


Aurreko elizaren aztarnak

Soraluzeko parrokiari buruzko lehen berriak herriari buruzko 1267ko dokumentu batekoak dira: agirian herri zaharrean monastegi bat zegoela eta bere patronatua Gaztelako Alfontso Jakintsu erregeak zeukala esaten da; urte horretan, erregeak Elgoibarko Olasotarren Etxeko Jauna zen Lopez de Ganboari eman baitzion.

Gaur eguneko eliza 1530 hamarkadan hasi zuten eta, segururena, eraikitze lanak hasierako elizaren kondarren gainean egingo zituzten.

Eliz ataria zaharberritu zutenean, labanan harmaila kentzerakoan eraikin zaharrago baten aztarnak agertu ziren, hasiera eliza agian.


Erreferentziak

  1. Kontrahorma.