Olabarrena (eu)

From Sorapedia
Jump to: navigation, search
Olabarrena presatik

Izena

Olabarrena


Irudiak

(handitzeko, sakatu gainean)

Historia

Eibarko irteeran zegoen, Baltegieta kalearen bukaeran.

Garai batean ola bat zegoen, eta bertan arkabuz eta mosketeen kainoiak barrenatzen ziren. Eraikin nagusiak, ola eta barrenoa zeudenak, 256 m2 zituen, eta patioak beste 46. Barrena nagusia deitzen zioten.

Moskete eta arkabuzak probatzeko probatoki zaharra inguran zeukan, nahikoagertu.

Presa Florencio Joseph Lamoten mapan agertzen da (1756).

1838 urtean José Ignacio de Larreategui jaunak presa eta Olabarrenako errota saldu zizkion Jose Ignacio de Ibarra, honak lantegia ustiatzeko.

1845 urtean Olabarrenako errota berriro agertzen da agirietan, andra baten gorpua erretenean agertu zelako.

XX mendearen hasieran, berriz, Gipuzkoako Aldizkari Ofizialean agertzen da, Goiobarrena izenez. Conde del Valle zen orduko jabea, eta Olabarrenak kanoiak barrenatzeko trepeta zeukan.

Urte batzuk geroago jabea Eibarko Orbea y Cía enpresa izan zen. Sortutako indarra enpresa berak erabiltzen zuen.

XX mendearen bukaeran, berriz, bota zuten etxebizitzak egiteko. Sasoiko aurreratuenak omen ziren. Alde batetik, sistema domotikoak zituzten (etxe domotikoak) eta, diseinu aldetik, metalezko estalkiak zituzten (Guggeinheim soraluzetarra).

1997ko urriak 30n, Euskal Herriko Agintaritzaren Aldizkarian balizko arkeologia gune moduan izendatu zuten.

Etorkizunean, eta Soraluzeko Hiri-Antolamenduko Plan Orokor berriak aurre ikusten duenez, presa maila beheratu eta Olabarrenako zubia bertan egiteko asmoa dago.


Kokapena

Loading map...


Datu teknikoak

Sarrerako ubideak 20 metrotako luzeera zuen, eta bertan 3,60 metrotako ataka zegoen.

Ur jauzia 4,40 metrotakoa zen, eta irteerako ubidea azken etxea baino metro batzuk haratago heltzen zen.


Erreferentziak